03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Գերմանիայի ԱԳՆ է կանչվել Իրանի դեսպանը՝ 2022թ․ սինագոգի վրա հարձակում կազմակերպելու համար
Քաղաքականություն
21.03.2024 | 15:09
Գերմանիայում Իրանի դեսպանը կանչվել է երկրի ԱԳՆ՝ 2022 թվականին սինագոգի հրկիզման փորձի պատճառով, որը, Բեռլինի կարծիքով, ծրագրվել է Թեհրանի օգնությամբ, հայտնում է VOA-ն։
Գերմանիայի և Իրանի քաղաքացիություն ունեցող տղամարդը դեկտեմբերին դատապարտվել է 2 տարի 9 ամիս ժամկետով ազատազրկման՝ կապված Արևմտյան Գերմանիայի Բոխում քաղաքի սինագոգի վրա հարձակումը կազմակերպելու հետ: 36-ամյա տղամարդը, որը նույնականացվել է միայն որպես Բաբակ Ջ., հարձակում է ծրագրել սինագոգի վրա, սակայն, ի վերջո, հրկիզիչ սարքը նետել է մոտակա դպրոցի շենքի վրա, հիշեցնում է AFP-ն՝ հավելելով, որ ոչ ոք չի տուժել:
Վճիռը կայացնելիս Դյուսելդորֆի դատարանը հայտարարել է, որ հարձակումը ծրագրվել է «իրանական պետական կառույցների» օգնությամբ։
Գերմանիայի ԱԳՆ-ն X սոցիալական ցանցում հայտնել է, որ կանչել է Իրանի դեսպանին դատարանի որոշման գրավոր հիմնավորումը ստանալուց հետո։
