19.05.2024 | 23:02
Գերմանիան և Ֆրանսիան «անհանգստացած են» Վրաստանում ստեղծված իրավիճակով
Ուղեղում չիպ ունեցող առաջին մարդն արդեն առցանց շախմատ է խաղում մտքի ուժով
Քաղաքականություն
21.03.2024 | 17:19
Իլոն Մասկի Neuralink ընկերությունը ցույց է տվել, թե ինչպես է առաջին բուժառուն, որի ուղեղում ներդրվել է հատուկ չիպ, առցանց շախմատ խաղում: Տեսանյութը հեռարձակվել է X սոցիալական ցանցում։ 29-ամյա Նոլան Արբոն աշխարհում առաջին մարդն է, որի ուղեղում այս տարվա հունվարի վերջին Neuralink-ի չիպ տեղադրվեց։ Փետրվարին Մասկը, առանց Արբոյի անունը նշելու, հայտնել էր, որ վերջինս արդեն վերականգնվել է վիրահատությունից հետո և կարող է մտքի ուժով կառավարել համակարգչային մկնիկի կուրսորը։
Մարտի 20-ի հեռարձակման ժամանակ Արբոն պատմել է, որ մոտ ութ տարի առաջ տեղի ունեցած վթարից հետո ոչինչ չի զգում ուսերից ներքև: Նրա խոսքով՝ Neuralink չիպի տեղադրման վիրահատությունն անցել է հարթ։ «Բառացիորեն մեկ օր անց դուրս գրվեցի հիվանդանոցից։ Ես ոչ մի կոգնիտիվ խանգարում չունեմ»,- ասել է նա։
Հեռարձակման ժամանակ ընկերությունը ցույց է տվել, թե ինչպես է հիվանդը նոութբուքով շախմատ խաղում՝ խաղաքարերը կուրսորով շարժելով տախտակի վրա։ Արբոն ասել է, որ սիրում է խողալ շախմատ և Civilization VI տեսախաղը, որոնք նա դադարել էր խաղալ վթարից հետո:
«Դուք [Neuralink] ինձ հնարավորություն տվեցիք դա նորից անելու, և ես խաղացի ութ ժամ անընդմեջ», – պատմել է նա:
Խոսելով չիպի հետ ապրելու իր փորձի մասին՝ Արբոն նշել է, որ տեխնոլոգիան «կատարյալ չէ», և ինքը և Neuralink թիմը «որոշ խնդիրների են հանդիպել» թեստավորման ժամանակ։
«Ես չեմ ուզում, որ մարդիկ մտածեն, որ սա ճանապարհի վերջն է, դեռ շատ աշխատանք կա անելու, բայց այն արդեն փոխել է իմ կյանքը», – ավելացրել է նա:
Մանրամասները՝ տեսանյութում
— Neuralink (@neuralink) March 20, 2024
