26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ֆրանսիան կարող է արագորեն վերատեղակայել իր բանակը․ Le Monde
Քաղաքականություն
21.03.2024 | 13:31
Ֆրանսիան, անհրաժեշտության դեպքում, կարող է երեսուն օրվա ընթացքում արագորեն ձևավորել և վերատեղակայել կոալիցիոն դիվիզիա՝ շուրջ 20 հազար զինվորական։ Այս մասին հայտարարել է ֆրանսիական բանակի շտաբի պետ Պիեռ Շիլը, գրում է Le Monde-ը։
«Անցել են այն ժամանակները, երբ երեք հարյուր զինվորներ կարող էին փոխել պատմության ընթացքը, այլևս «փոքր պատերազմներ» չկան»,- ասել է նա։
Շիլլը նշել է, որ ֆրանսիական բանակը կարող է միավորվել դաշնակից այլ դիվիզիաների հետ։ Նա նաև նշել է, որ Ֆրանսիան զգալի առավելություններ ունի, եթե խոսք գնա պատերազմի մասին։
«Իր աշխարհագրական դիրքի շնորհիվ ոչ մի թշնամի չի սպառնում իր սահմաններին, իսկ Ֆրանսիայի միջուկային զսպիչ ուժը պաշտպանում է նրա կենսական շահերը: Այնուամենայնիվ, Ֆրանսիան զերծ չէ ամբողջ աշխարհում ի հայտ եկած լարվածությունից: Այն ունի միջազգային պատասխանատվություն, ունի շահեր և տարածքներ յուրաքանչյուր աշխարհագրական տարածաշրջանում։ Այն կապված է պաշտպանական պայմանագրերով պետությունների հետ, որոնք մեծ վտանգի տակ են: Ագրեսիայից պաշտպանվելու և իր շահերը պաշտպանելու համար ֆրանսիական բանակը պատրաստվում է ամենադժվար առաջադրանքներին, հայտարարում և ցուցադրում է դա՝ Si vis pacem, para bellum (Եթե խաղաղություն ես ուզում, պատրաստվիր պատերազմի )»,- ընդգծել է հրամանատարը։
Նա հավելել է, որ ֆրանսիական բանակի հիմնական նպատակն է՝ ապահովել երկրի ու նրա քաղաքացիների, ինչպես նաև Եվրոպայի անվտանգությունը։
«Ֆրանսիան պատրաստ է, և անկախ նրանից, թե ինչպես է զարգանում միջազգային իրավիճակը, ֆրանսիացիները կարող են վստահ լինել, որ իրենց զինվորները մոտակայքում են»,- հավելել է նա։
