05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ՀՀ շատ բարձրաստիճան պաշտոնյայի հարազատ եղբոր մեկ բանկային հաշվին հայտնաբերվել է 30 միլիոն դոլար․ Նիկոլ Փաշինյան. ՏԵՍԱՆՅՈՒԹ
Քաղաքականություն
17.08.2018 | 20:04
«Առաջին օրը Բաղրամյան 26-ում հայտնվելուց հետո ասել եմ, որ հրաժարվելու եմ դատական համակարգին հրահանգներ տալուց, բայց սա չի նշանակում, որ որոշ դատավորներ պետք է հրահանգներ ստանան նախորդ իշխանության կոռումպացված ներկայացուցիչներից»,-Հանրապետության հրապարակում մեկնարկած հանրահավաքի ժամանակ ասաց ՀՀ վարչապետ Նիկոլ Փաշինյանը։
Վարչապետը նշեց, որ Կառավարությունն առաջարկելու է օրենսդրական բարեփոխումներ, որոնք վերաբերելու են ինչպես դատական համակարգին, անցումային արդարադատության մարմինների ստեղծմանն, այնպես էլ, օրինակ, ապօրինի հարստացման մասին օրենքի նախագծին։
Խոսելով ապօրինի հարստացածների մասին՝ վարչապետը բերեց մեկ օրինակ։
«ՀՀ շատ բարձրաստիճան պաշտոնյայի հարազատ եղբոր մեկ բանկային հաշվին հայտնաբերվել է 30 միլիոն դոլար»,-ասաց վարչապետը՝ ընդգծելով, որ ապօրինի հասրտացման մասին օրենքն ունի հետադարձ ուժի և այլ լրջագույն կարգավորումների խնդիր։
Նիկոլ Փաշինյանը նշեց, որ կոռումպացված իշխանությունների ներկայացուցիչերը գիտեն, որ իրենց ժամերը հաշված են, այդ պատճառով էլ իրենց ներկայացնում են քաղաքական հալածյալ՝ առանց հարց տալու, եթե քաղաքական հալածյալ են, ինչու են ազատության մեջ։
Նիկոլ Փաշինյանը վերահաստատեց նաև՝ Կառավարությունը հետամուտ է լինելու արդարության մթնոլորտի ամրապնդմանը և թույլ չի տալու, որ Մարտի մեկի տաս զոհերի սպանությունները մնան չբացահայտված։
Մանրամասները՝ տեսանյութում։
