15.09.2026 | 19:14
Զախարովան հայտարարել է, որ ԵՄ-ին Հայաստանի անդամակցելու հանրաքվեի վերաբերյալ Մոսկվայի դիրքորոշումը չի փոխվել
ԵՄ դեսպանները պայմանավորվել են Նավալնիի մահվան կապակցությամբ պատժամիջոցների շուրջ
Քաղաքականություն
20.03.2024 | 17:54
ԵՄ դեսպանները պայմանավորվել են պատժամիջոցների շուրջ՝ կապված ռուս ընդդիմադիր գործիչ Ալեքսեյ Նավալնիի մահվան հետ։ Այս մասին հաղորդում է «Ազատություն» ռադիոկայանի եվրոպական հարցերով խմբագիր Ռիկարդ Յոզվիակը, փոխանցում է Current Time-ը։
Նրա խոսքով՝ պատժամիջոցների ցանկում կներառվեն 33 ֆիզիկական անձինք ու երկու ընկերություններ։ Թե կոնկրետ ովքեր են հայտնվել պատժամիջոցների տակ, դեռևս հայտնի չէ։ Ամբողջական ցուցակը կհրապարակվի ԵՄ պաշտոնական ամսագրում մարտի 22-ին։
Եվրախորհրդարանն ավելի վաղ բանաձև էր ընդունել Նավալնիի մահվան կապակցությամբ։ Փաստաթղթում ասվում է, որ ՌԴ նախագահ Վլադիմիր Պուտինը պետք է պատասխան տա գաղութում ընդդիմադիր առաջնորդի սպանության համար։
«Ռուսաստանի իշխանությունները և անձամբ Վլադիմիր Պուտինը կրում են քրեական և քաղաքական պատասխանատվություն իրենց ամենաուժեղ հակառակորդ Ալեքսեյ Նավալնիի մահվան համար»,- ասվում է տեքստում։
