29.06.2026 | 18:10
ՔՊ-ն ԱԺ փոխնախագահի թեկնածուների կընտրի // Մոսկվան կրկին ՀՀ-ի եվրաինտեգրումից է խոսել․ ԼՈՒՐԵՐ
Դատախազությունը ստացել է Ռոբերտ Քոչարյանին կալանքից ազատելու որոշումը․ 15 օրվա ընթացքում բողոք կներկայացնի Վճռաբեկ դատարան
Քաղաքականություն
17.08.2018 | 18:00
ՀՀ երկրորդ նախագահ Ռոբերտ Քոչարյանին կալանքից ազատ արձակելու վերաբերյալ Վերաքննիչ դատարանի որոշումն այսօր ստացել են մեղադրող և պաշտպանական կողմերը:
Factor.am-ի հետ զրույցում այս մասին ասաց Գլխավոր դատախազության հանրային կապերի բաժնի պետ Արևիկ Խաչատրյանը և հավելեց, որ 15 օր ժամկետ ունեն Վճռաբեկ բողոք ներկայացնելու համար։
«Այսօր ստացել ենք որոշումը և նախապատրաստվում է Վճռաբեկ բողոքը»,- ասաց նա։
Հիշեցնենք, որ օրեր առաջ Վերաքննիչ դատարանը բավարարեց 2-րդ նախագահ Ռոբերտ Քոչարյանի պաշտպանների միջնորդությունը, և Հայաստանի երկրորդ նախագահն ազատ արձակվեց դատարանի դահլիճից։ Այս մասին դատական նիստի ավարտից հետո լրագրողների հետ զրույցում ասաց 2-րդ նախագահի պաշտպան Ռ․ Սահակյանը և նշեց, որ Ռոբերտ Քոչարյանն ազատ է արձակվել առանց գրավի, քանի որ նա անձեռնմխելի է։
Աղավնի Սուքիասյան
