10.05.2024 | 01:47
Որքան մարդ է մասնակցել հանրահավաքին. ԻՔՄ-ի հաշվարկը
ԱՄՆ-ը և Թուրքիան պայմանավորվել են հակառուսական պատժամիջոցների նոր սխեմայի շուրջ
Քաղաքականություն
20.03.2024 | 14:36
ԱՄՆ-ի և Թուրքիայի հարաբերությունները բարելավվել են՝ կապված վերջին բարձր մակարդակի այցերի հետ, կարելի է ասել, որ Վաշինգտոնում Անկարայի հետ կապված ընդհանուր մթնոլորտը դրական է, գրում է թուրքական Hurriyet-ը։
Հաղորդվում է, որ վերջին շրջանում քննարկված և համաձայնեցված թեմաներից մեկը չափազանց կարևոր է Թուրքիայի համար․ խոսքը ՌԴ-ի դեմ կիրառված պատժամիջոցները շրջանցելու համար թուրքական ընկերությունների նկատմամբ սահմանափակումների մասին է։
«Այն ընկերությունները, որոնք ունեին կամ ենթադրվում է, որ առևտրային գործունեություն են ծավալում Ռուսաստանի հետ, անմիջապես պատժամիջոցների էին ենթարկվում ԱՄՆ-ի կողմից՝ առանց Թուրքիային հարցնելու կամ հետաքննություն պահանջելու։ Սա տնտեսության մեջ տարբեր խնդիրներ է առաջացրել։ Երկու երկրները պայմանավորվել են նոր համակարգի շուրջ։ «Պատժամիջոցների համապատասխանության սխեմա» կոչվող համակարգի համաձայն՝ ԱՄՆ-ը նախ կտեղեկացնի Թուրքիային պոտենցիալ ընկերությունների մասին և տեղեկություն կխնդրի այդ թեմայով։ Եթե Թուրքիան հետաքննի և արդյունքների մասին զեկուցի, անհրաժեշտության դեպքում, քայլեր կձեռնարկվեն»,- գրում է լրատվամիջոցը։
Նշենք, որ Թուրքիան չի միացել ՌԴ-ի դեմ արևմտյան պատժամիջոցներին ու շարունակում է տնտեսական ակտիվ հարաբերությունները Մոսկվայի հետ։ Պարբերաբար ԱՄՆ պատժամիջոցների ցուցակում են ներառվում թուրքական տարբեր ընկերություններ, որոնք ՌԴ-ին օգնում են շրջանցել սահմանափակումները։
