15.09.2026 | 16:49
ՀՀՇ-ի ծիլերից ծնվեց մեկը, որը իր խոսույթով չի տարբերվում թուրքերից․ Խաչատրյանը՝ Եղոյանին․ ՏԵՍԱՆՅՈՒԹ
ՌԴ-ի հետ կապված ուժերն աջակցում են ընտրություններից առաջ Մոլդովան ապակայունացնելու՝ Մոսկվայի ջանքերին. ISW
Քաղաքականություն
20.03.2024 | 15:08
Մոլդովայում ռուսամետ ուժերը շարունակում են ջանքերը՝ աջակցելու Կրեմլի հիբրիդային ջանքերին՝ ապակայունացնելու իրավիճակը երկրում, գրում է Պատերազմի ուսումնասիրության ամերիկյան ինստիտուտն (ISW) իր հերթական զեկույցում։
Մոլդովայի ԱԳՆ-ն Ռուսաստանի դեսպան Օլեգ Վասնեցովին տեղեկացրել է, որ արտաքսում է ռուս դիվանագետի, ում անունը չի նշվում՝ կապված Ռուսաստանի նախագահական ընտրությունների համար Մերձդնեստրում ընտրատեղամասերի կազմակերպման հետ՝ չնայած Քիշնևի պաշտոնական համաձայնության բացակայությանը։
Վասնեցովը և ՌԴ ԱԳՆ պաշտոնական ներկայացուցիչ Մարիա Զախարովան հայտարարել են, որ Ռուսաստանն անպատասխան չի թողնի Մոլդովայի «ոչ բարեկամական գործողությունները»։
Ռուսամետ քաղաքական գործիչ Իլան Շորը, որը գտնվում է ԱՄՆ պատժամիջոցների տակ և թաքնվում է մոլդովական արդարադատությունից Իսրայելում, վերջերս տված հարցազրույցում ասել է, որ ծրագրում է Մոլդովայի վարչապետ դառնալ 2025 թվականի խորհրդարանական ընտրություններից հետո։
Գագաուզիայի ինքնավար միավորի ղեկավար Եվգենիա Գուցուլը երեքշաբթի հայտարարել է, որ դատի է տալու Մոլդովայի նախագահ Մայա Սանդուին զրպարտության համար՝ այն բանից հետո, երբ պետության ղեկավարը նրան մեղադրել է «հանցավոր խմբի, այլ ոչ թե Գագաուզիայի բնակիչների համար» աշխատելու մեջ, հետևաբար, չի ստորագրի իր կառավարությունում նշանակվելու մասին հրամանագիրը։
ISW-ն նշում է, որ Ռուսաստանը և նրա հետ կապված դերակատարները Մոլդովայում ներգրավված են հիբրիդային արշավի մեջ, որը, հավանաբար, ուղղված է ներսից ապակայունացմանը՝ 2024 թվականի վերջին Մոլդովայի նախագահական և 2025 թվականի ամռանը կայանալիք խորհրդարանական ընտրություններից առաջ:
