Քաղաքականություն
20.03.2024 | 12:22
Բելգորոդի շրջանի օպերատիվ շտաբը որոշել է, որ մարտի 20-ից սահմանափակվելու է մուտքը Գրայվորոնսկի քաղաքային շրջանի յոթ բնակավայրեր։ Այս մասին հայտնել է Բելգորոդի նահանգապետ Վյաչեսլավ Գլադկովը, գրում է Meduza-ն։
Նա նշել է, որ անցակետեր են հայտնվելու ինչպես Գրայվորոն քաղաքի, այնպես էլ Կոզինկա, Գորա-Պոդոլ, Գլոտովո, Նովոստրոևկա-1, Նովոստրոևկա-2 և Բեզիմենո գյուղերի մուտքերի մոտ։ Հսկիչ կետերում աշխատելու են ներքին գործերի նախարարության, ազգային գվարդիայի, սահմանապահ ծառայության, պաշտպանության նախարարության և տեղի վարչակազմի աշխատակիցները։
«Կորոշվի բնակելի տներ նրանց այցելելու կարգը։ Օրինակ՝ պետք է կերակրել կովերին, որոնք բավականին շատ ֆերմաներում կան, նրանց նաև պետք է խնամել։ Եվ մենք անվտանգ անցում կապահովենք այն ժամանակ, երբ հրետակոծություն չլինի, դեպի տուն և հակառակ ուղղությամբ»,- ասել է Գլադկովը։
Ըստ պաշտոնյայի՝ իշխանությունները կշարունակեն համոզել տեղի բնակիչներին՝ հեռանալ տներից։
Բելգորոդի շրջանի օպերատիվ շտաբը նաև որոշել է, որ մարտի 21-ից կսկսի պարենային փաթեթներ տրամադրել Գրայվորոնսկի շրջանի 16 բնակավայրերի բնակիչներին։ Բացի այդ, մարտի համար 13 բնակավայրերի բնակիչները կազատվեն բնակարանային և կոմունալ ծառայությունների վճարումից։
Նախօրեին էլ տեղի իշխանությունները հայտնել էին, որ ուկրաինական հարձակումների պատճառով 9,000 երեխայի են տարհանելու։
