30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռայիսին և Պուտինը քննարկել են Հարավային Կովկասում իրավիճակը
Քաղաքականություն
19.03.2024 | 16:26
Իրանի և Ռուսաստանի նախագահներ Էբրահիմ Ռայիսին ու Վլադիմիր Պուտինը հեռախոսազրույց են ունեցել։ Ռայիսին շնորհավորել է Պուտինին՝ ՌԴ նախագահի պաշտոնում վերընտրվելու կապակցությամբ և հույս հայտնել, որ Ռուսաստանի նոր կառավարությունը հարմար հիմքեր կդնի հարաբերությունների հետագա ընդլայնման ու զարգացման, երկու ժողովուրդների միջև տարբեր ոլորտներում կառուցողական համագործակցության համար:
Իրանական կողմի տարածած հայտարարության մեջ նշվում է, որ երկու նախագահներն անդրադարձել են նաև ընդհանուր տարածաշրջանային շահերին, այդ թվում՝ կովկասյան տարածաշրջանում, գրում է Mehr-ը։
Նկատենք, որ ռուսական կողմի տարածած հաղորդագրության մեջ չկա Կովկասում տիրող իրավիճակին անդրադարձի մասին։
«Միջազգային օրակարգը դիտարկելիս անդրադարձ է եղել, մասնավորապես, պաղեստինա-իսրայելական հակամարտության գոտում ստեղծված ճգնաժամային իրավիճակին։ Երկու կողմերն էլ լուրջ մտահոգություն են հայտնել խաղաղ բնակչության շարքում զոհերի թվի աճի և Գազայի հատվածում մարդասիրական իրավիճակի աղետալի վատթարացման կապակցությամբ»,- նշվում է Կրեմլի տարածած հաղորդագրությունում։
