29.04.2024 | 20:39
Քննարկվել են Հայաստանի և Սաուդյան Արաբիայի միջև տնտեսական և աշխատաշուկայի հարաբերությունների զարգացմանն առնչվող հարցեր
Եթե կոմունիկացիաները մեր լեգիտիմ տարածքով չեն անցնում, պետք է լուծումներ գտնենք. Թորոսյան․ ՏԵՍԱՆՅՈՒԹ
Քաղաքականություն
19.03.2024 | 15:25
«Առաջին անգամ չի, որ խոսում ենք սահմանազատման անհրաժշտության մասին. իսկ թե ինչո՞ւ Տավուշից՝ կարող է ունենալ մի քանի բացատրություն»,- ԱԺ-ում լրագրողների հետ զրույցում հայտարարեց ՔՊ-ական պատգամավոր Արսեն Թորոսյանը։
«Առաջինը՝ կարևոր է այդ գործընթացը սկսել, որովհետև փաստացի մենք կարող ենք հավերժ խոսել սահմանազատման մասին և երբեք չսկսել։ Մեր շահերից է բխում այն սկսելը։ Շատ կարևոր է երկկողմ որոշում կայացնել, թե որ քարտեզներով ենք առաջնորդվում, և այդ որոշումը պետք է նշանակի, որ եթե մի հատվածում իրականացնում ենք սահմանազում, ուրեմն մյուս հատվածներում էլ պետք է իրականացվեն այդ քարտեզներով»,-հավելեց նա։
Ըստ իշխանական պատգամավորի՝ դա չի նշանակի նոր սահմանի ստեղծում, այլ փաստացի եղած սահմանի իրավական ամրագրումը պետք է լինի։
«Որևէ վարչական բնակավայր կամ տարածք, որը Սովետական Հայաստանի սահմաններում է եղել, չենք պատրաստվում որևէ երկրի տալ։ Իսկ եթե սահմանագծման ընթացքում կանցնի որևէ տարածքով, որն այս կամ այն կողմի տիրապետության տակ է, դա պետք է փոխադարձաբար, երկու կողմերի պայմանավորվածությամբ վերադարձվի այս կամ այն կողմին»,- ասաց Արսեն Թորոսյանը։ Ըստ նրա՝ եթե կոմունիկացիաները «մեր լեգիտիմ տարածքով չեն անցնում, պետք է լուծումներ գտնել»։
Մանրամասները՝ տեսանյութում։
