05.08.2026 | 19:00
Ծովագյուղում ապօրինի պահվող գայլերը տեղափոխվել են Երևանի կենդանաբանական այգի․ քաղաքացին տուգանվել է
Գերմանիայի «Ռամշտեյն» բազայում սկսվել է Ուկրաինայի պաշտպանության հարցերով 20-րդ հանդիպումը
Քաղաքականություն
19.03.2024 | 16:45
Գերմանիայի «Ռամշտեյն» բազայում սկսվել է Ուկրաինայի պաշտպանության հարցերով 20-րդ հանդիպումը։ Այս նիստին Կիևի համար առաջնահերթությունը ՀՕՊ համակարգերի ու հրթիռների մատակարարումն է Կիևին, հայտնում է Ուկրաինայի ՊՆ-ն, գրում է BBC-ի ռուսական ծառայությունը։
«Հրետանային արկերը, հատկապես՝ 155 մմ տրամաչափի, ռադիոէլեկտրոնային պայքարի ժամանակակից համակարգերը, զրահատեխնիկան շարունակում են մնալ քննարկման մշտական թեմաներ»,- հավելել է Ուկրաինայի ռազմական գերատեսչությունը։
Բացի այդ, ըստ Reuters-ի՝ այս հանդիպումը նույնպես կարևոր է, քանի որ ԱՄՆ պաշտպանության նախարար Լլոյդ Օսթինը կփորձի համոզել եվրոպացի դաշնակիցներին, որ Ջո Բայդենի վարչակազմը հավատարիմ է մնում Ուկրաինային աջակցելուն, չնայած որ փաստացիորեն ավարտվել են Ուկրաինային օգնության համար Վաշինգտոնի միջոցները։
«Ուկրաինական զորքերը բախվում են ծանր պայմանների և ծանր մարտերի, իսկ ուկրաինացի խաղաղ բնակիչները դիմանում են ռուսական հրթիռների և իրանական անօդաչու թռչող սարքերի մշտական տարափին: Բայց Ուկրաինան չի նահանջի, ԱՄՆ-ը՝ նույնպես: Այսպիսով, մեր այսօրվա ուղերձը պարզ է՝ ԱՄՆ-ը թույլ չի տա, որ Ուկրաինան տապալվի։ Այս կոալիցիան թույլ չի տա, որ Ուկրաինան տապալվի, ազատ աշխարհը ևս թույլ չի տա Ուկրաինային տապալվել»,- ասել է ԱՄՆ պաշտպանության նախարարը։
