12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Բելգորոդի շրջանում հրետակոծության հետևանքով վիրավորվել է երեք մարդ, այդ թվում՝ մեկ երեխա․ ՌԴ-ն շրջանից շուրջ 10,000 բնակչի կտարհանի
Քաղաքականություն
19.03.2024 | 15:17
Մարտի 19-ի առավոտյան գնդակոծության է ենթարկվել Բելգորոդի շրջանի Ռազումնոյե գյուղը, շրջանային իշխանությունները հայտնել են երեք զոհի մասին, այդ թվում՝ մեկ երեխայի, փոխանցում է Current Time-ը։
Բելգորոդի շրջանում հրթիռային հարձակման տագնապը հնչել է Մոսկվայի ժամանակով 10:34-ին, 20 րոպե անց տագնապը չեղարկվել է։ Ռուսաստանի ՊՆ-ն հայտնել է, որ ռուսական հակաօդային պաշտպանության ուժերը Բելգորոդի շրջանի երկնքում ոչնչացրել են 9 RM-70 Vampire MLRS արկեր։
Բելգորոդի նահանգապետ Վյաչեսլավ Գլադկովը հայտնել է, որ հրետակոծության ժամանակ ծանր վիրավորվել է 14-ամյա մի աղջիկ։
«14-ամյա դեռահասը ստացել է վերին վերջույթի վնասվածք՝ մասնակի անդամահատմամբ, կրծքավանդակի և ձախ ստորին վերջույթի բեկորային վերքեր, իսկ մայրը՝ պարանոցի, որովայնի խոռոչի և ստորին վերջույթների բեկորային վնասվածքներ, երկու տուժածների վիճակը ծանր է։ Գյուղում վիրավորվել է ևս մեկ կին, որը հարձակման պահին եղել է փողոցում, վերին և ստորին վերջույթների բեկորային վնասվածքներ է ստացել»,- ասել է պաշտոնյան։
Ուկրաինայի իշխանությունները դեռևս չեն մեկնաբանել Բելգորոդի շրջանի գնդակոծությունը։
Գլադկովը նաև հայտնել է, որ հրետակոծության վտանգի պատճառով նախատեսվում է մոտ ինը հազար երեխայի տարհանել Բելգորոդից, Շեբեկինսկի շրջանից, Բելգորոդի և Գրայվորոնսկի շրջաններից։ Առաջին 1200 երեխաները կմեկնեն մարտի 22-ին, նրանք կտեղակայվեն Պենզայի, Կալուգայի և Տամբովի ճամբարներում։
