15.01.2026 | 09:31
ՀՀ տարածքում կան փակ ավտոճանապարհներ
Կրեմլը հետևում է ՆԱՏՕ-ի ակտիվությանը Հարավային Կովկասում․ Պեսկովը՝ Երևան, Թբիլիսի և Բաքու Ստոլտենբերգի այցերի մասին
Քաղաքականություն
19.03.2024 | 14:52
Կրեմլը հայտարարել է, որ ուշադրությամբ հետևում է ՆԱՏՕ-ի ակտիվության աճին Հարավային Կովկասում, սակայն մտադիր է զարգացնել երկկողմ հարաբերությունները տարածաշրջանի պետությունների հետ, գրում է «Ինտերֆաքս»-ը։
Մասնավորապես, ՌԴ նախագահի մամուլի քարտուղար Դմիտրի Պեսկովին խնդրել են մեկնաբանել ՆԱՏՕ-ի գլխավոր քարտուղար Յենս Ստոլտենբերգի շրջագայությունը Հարավային Կովկասի երկրներով։
«Իհարկե, մենք ուշադրությամբ հետևում ենք, սակայն մտադիր ենք կենտրոնանալ մեր երկկողմ հարաբերությունների և համագործակցության գործիքների վրա, որոնք մեր երկիրն ունի տարածաշրջանի երկրների հետ։ ՆԱՏՕ-ի փորձերը՝ ինչ-որ կերպ ընդլայնելու իր ազդեցությունն ու ներկայությունը, դժվար թե կայունություն և կանխատեսելիություն ավելացնեն Կովկասում իրավիճակին»,- ասել է Պեսկովը։
Նա, միաժամանակ, նշել է, որ «այդ շփումները Հարավային Կովկասի երկրների ինքնիշխան իրավունքն են»։
Պատասխանելով հարցին՝ արդյո՞ք Հարավային Կովկասում ՆԱՏՕ-ի ակտիվությունը վտանգ է ստեղծում Ռուսաստանի հարավային սահմանների համար, Պեսկովն ասել է․ «Մենք լավ գիտենք ՆԱՏՕ-ի ընդհանուր ցանկության մասին՝ ամրապնդելու իր ներկայությունը Կովկասում, ինչպես ասում են՝ տեսանելի է անզեն աչքով»:
Հավելենք, որ Ստոլտենբերգը մարտի 17-18-ն այցով Ադրբեջանում էր, նախօրեին՝ Վրաստանում, իսկ այսօր արդեն Հայաստանում է։
