03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Պուտինը երդմնակալությունից հետո կայցելի Չինաստան․ Reuters
Քաղաքականություն
19.03.2024 | 16:00
ՌԴ նորընտիր նախագահ Վլադիմիր Պուտինի առաջին արտասահմանյան այցը կլինի Չինաստան, հայտնում է Reuters-ը՝ հղում անելով իր աղբյուրներին։
Ուղևորությունը նախատեսված է մայիսի երկրորդ կեսին՝ երդմնակալությունից հետո։ Կրեմլի խոսնակ Դմիտրի Պեսկովը հայտնել է, որ պետության ղեկավարը նախատեսում է մի քանի արտասահմանյան այցեր։
Այցի մասին տեղեկությունը գործակալությանը հաստատել են չորս անկախ աղբյուրներ։ Երկու աղբյուրներ հավելել են, որ այցը տեղի կունենա մայիսի երկրորդ կեսին։ Աղբյուրներից մեկի խոսքով էլ՝ Պուտինի այցը տեղի կունենա Չինաստանի նախագահ Սի Ցզինպինի՝ Եվրոպա կատարելիք այցից առաջ։
Ռուսաստանի և Չինաստանի ղեկավարները հանդիպել են ավելի քան 40 անգամ։ Վերջին հանդիպումը 2023 թվականի հոկտեմբերին էր, երբ Վլադիմիր Պուտինը Պեկինում մասնակցեց «Մեկ գոտի, մեկ ճանապարհ» միջազգային ֆորումին։ Հաղորդվում է, որ 2022 թվականի վերջին Չինաստանի և Ռուսաստանի միջև առևտրաշրջանառությունն աճել է 29,3 տոկոսով՝ հասնելով մինչև 190 միլիարդ դոլարի, 2023 թվականին՝ 26,3 տոկոսով՝ մինչև 240,1 միլիարդ դոլարի։
