15.09.2026 | 16:00
Ֆաշիստական ելույթ ունեցաք, դուք երիտբոլշևիկներ եք․ Վարդանյանը՝ Եղոյանին․ ՏԵՍԱՆՅՈՒԹ
Թուրքիան հույս ունի, որ Ուկրաինայում պատերազմը կավարտվի 2025 թվականին
Քաղաքականություն
19.03.2024 | 15:44
Ուկրաինայի դեմ Ռուսաստանի պատերազմը կավարտվի 2025 թվականին, հայտարարել է Թուրքիայի արտգործնախարար Հաքան Ֆիդանը, փոխանցում է CNN Turk-ը։
«Այս տարին դժվար է, հույս ունենք, որ 2025 թվականին խաղաղություն կլինի»,- ասել է նա։
Ֆիդանի խոսքով՝ Անկարան 2024 թվականին խնդիրը լուծելու հիմքեր չի տեսնում։
«Առաջին հերթին, մենք այն երկրներից ենք, որոնք խաղաղության կոչ են անում այս ուղղությամբ՝ և՛ ՆԱՏՕ-ի հարթակում, և՛ եվրոպական հարթակում: Այս պատերազմը պետք է դադարեցվի հիմա: Մեր նախագահը խաղաղության կոչ է անում՝ օգտագործելով իր բոլոր առաջնորդական որակները»,- ընդգծել է թուրք պաշտոնյան։
Ուկրաինայի դեմ Ռուսաստանի հարձակումը վերածվել է քայքայման պատերազմի, և երկու կողմերն էլ կորուստներ կունենան, համոզված է Թուրքիայի ԱԳՆ ղեկավարը։
«Սա պահպանում է միջուկային զենքի տարածման վտանգը: Մենք մտահոգված ենք այս իրավիճակով: Պատերազմի տարածման վտանգ կա ամբողջ տարածաշրջանում: Տարածումը սկսվում է խոսքից, այնուհետև անցնում է գործի: Եվրոպան պետք է ավելի շատ անհանգստանա Ուկրաինայի իրավիճակով, քան մենք»,- ասում է պաշտոնյան։
Հիշեցնենք՝ մարտի 8-ին Ուկրաինայի նախագահ Վլադիմիր Զելենսկին աշխատանքային այցով Թուրքիայում էր։
