12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Չեխիան ամբողջ աշխարհից 800 հազար արկ է գնել Ուկրաինայի ԶՈՒ-ի համար. WSJ
Քաղաքականություն
18.03.2024 | 18:09
Ամերիկյան The Wall Street Journal-ի փոխանցմամբ՝ Չեխիան զինամթերքի մեծ խմբաքանակ է գնել Ուկրաինայի Զինված ուժերի համար՝ ակտիվացնելով սառը պատերազմից ի վեր հետ իր կապերը, փոխանցում է DW-ի ռուսական ծառայությունը։
Լրատվամիջոցը գրում է, որ այս երկիրն «Ուկրաինայի ամենաջերմ աջակիցներից է» և ամբողջ աշխարհի տարբեր մատակարարներից ստացել է մոտ 800,000 հրետանային արկ, գտել ևս 700,000-ը, որոնք կարելի է գնել՝ օգտագործելով լրացուցիչ միջոցներ։
Պրահայում սկսել են Ուկրաինայի համար զինամթերք փնտրել երկու տարի առաջ ռուսական լայնամասշտաբ ներխուժման մեկնարկից անմիջապես առաջ, հայտնում է լրատվամիջոցը՝ վկայակոչելով չեխ պաշտոնյաներին, որոնք իրականացրել են գաղտնի գնումների պլան՝ շրջանցելով ԵՄ-ի և ՆԱՏՕ-ի բյուրոկրատիան։ Աղբյուրների խոսքով՝ այս պարագայում նրանց օգնել են Գլոբալ հարավի հետ լավ հարաբերությունները։ Զրուցակիցները չեն բացահայտել, թե որ երկրներն են մատակարարների թվում, սակայն ընդգծել են, որ «դրանց թվում կան Ռուսաստանի մի քանի դաշնակիցներ»։
Գնված փաթեթը ներառում է 300 հազար խորհրդային տիպի և շուրջ 500 հազար արևմտյան արտադրության զինամթերք։ Դրանք Ուկրաինա կմատակարարվեն մի քանի խմբաքանակով մինչև այս տարվա վերջ, ֆինանսավորում գտնելուն պես հասանելի կլինի լրացուցիչ զինամթերք։
Բոլոր 1,5 միլիոն պարկուճների արժեքը կազմում է 3,3 միլիարդ եվրո։ Ուկրաինա մատակարարումները կսկսվեն առաջիկա մի քանի շաբաթների ընթացքում։
Փետրվարի կեսերին Մյունխենի անվտանգության համաժողովի ժամանակ Չեխիայի նախագահ Պետր Պավելը հայտարարել էր, որ երկիրը մտադիր է մի քանի շաբաթվա ընթացքում Ուկրաինային մատակարարել 155 մմ տրամաչափի 500 հազար և 122 մմ տրամաչափի 300 հազար հրետանային արկ։
Նա առաջարկել էր զինամթերք գնել երրորդ երկրներից։ Օրերս Պավելը հայտնել էր, որ արկերի գնման նախաձեռնությանը միացել են եվրոպական 18 երկրներ, այդ թվում՝ Ֆրանսիան, Գերմանիան և Բելգիան։
