24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Ֆրանսիան չի ճանաչում ՌԴ-ի կողմից օկուպացված Ուկրաինայի շրջաններում անցկացված քվեարկությունը
Քաղաքականություն
18.03.2024 | 18:46
Ֆրանսիան հայտարարել է, որ Ռուսաստանի նախագահ Վլադիմիր Պուտինի վերընտրությունը տեղի է ունեցել բռնաճնշումների ֆոնին և գովաբանել բազմաթիվ ռուսաստանցիների, որոնք խաղաղ կերպով բողոքել են Վլադիմիր Պուտինի վերընտրվելու դեմ: Այս մասին ասվում է Ֆրանսիայի ԱԳՆ հայտարարության մեջ։
Փարիզը նաև դատապարտել է Ռուսաստանի կողմից ժամանակավորապես օկուպացված ուկրաինական շրջաններում անցկացված, այսպես կոչված, բընտրությունները»՝ որպես «միջազգային իրավունքի և ՄԱԿ-ի կանոնադրության նոր խախտում»։ VOA-ի փոխանցմամբ՝ այս մասին ասվում է Ֆրանսիայի ԱԳՆ-ի հայտարարության մեջ։
«Ֆրանսիան չի ճանաչում և երբեք չի ճանաչի այս, այսպես կոչված, ընտրությունների անցկացումն ու արդյունքները։ Փարիզը վերահաստատում է իր հավատարմությունը Ուկրաինայի ինքնիշխանությանը, անկախությանը, միասնությանը և տարածքային ամբողջականությանը»,- ասվում է հայտարարության մեջ։
Փարիզը նաև դատապարտել է Ռուսաստանի կողմից Աբխազիայի և Հարավային Օսիայի անջատողական շրջաններում ու Մերձդնեստրում ընտրատեղամասերի կազմակերպումը՝ «առանց Վրաստանի և Մոլդովայի իշխանությունների համաձայնության»։
Նախագահ Վլադիմիր Պուտինը «ռեկորդային» հաղթանակ է տարել Ռուսաստանում անցկացված ընտրություններում: Հաղթանակը, նրա խոսքով, ցույց տվեց, որ Մոսկվան ճիշտ է վարվել, որ հակադրվել է Արևմուտքին և իր զորքերն ուղարկել Ուկրաինա:
