09.04.2026 | 23:32
Պուտինը հայտարարել է «զատկական հրադադար»
Պուտինը հաստատել է՝ համաձայնել է փոխանակել Նավալնիին
Քաղաքականություն
18.03.2024 | 11:24
ՌԴ նախագահ Վլադիմիր Պուտինն ընտրությունների արդյունքների հրապարակմանը հաջորդած մամուլի ասուլիսում մեկնաբանել է ընդդիմադիր քաղաքական գործիչ Ալեքսեյ Նավալնիի մահը Յամալի գաղութում։ Նա ընդդիմադրի մահն անվանել «տխուր իրադարձություն», գրում է Current Time-ը։
Նրա խոսքով՝ Ռուսաստանում եղել են նաև այլ դեպքեր, երբ «ազատազրկման վայրերում մարդիկ են մահացել»։
«Ի դեպ, պարոն Նավալնիի մահից մի քանի օր առաջ որոշ գործընկերներ, ո՛չ վարչակազմի անդամներ, որոշ մարդիկ ինձ ասացին, որ միտք կա փոխանակել պարոն Նավալնիին արևմտյան երկրներում բանտերում գտնվող մարդկանց հետ։ Կարող եք հավատալ ինձ, կարող եք՝ ոչ, բայց ինձ հետ խոսողը դեռ չէր ավարտել նախադասությունը, ես ասացի՝ համաձայն եմ։ Բայց, ցավոք, տեղի ունեցավ այն, ինչ ունեցավ։ Ես միայն մի պայմանով համաձայնեցի․ մենք նրան կփոխանակենք, որպեսզի այլևս հետ չվերադառնա, թող այնտեղ նստի։ Ահա և վերջ։ Սակայն պատահեց դա, և ոչինչ դրա հետ չենք կարող անել»,- պնդել է Պուտինը:
Հակակոռուպցիոն հիմնադրամի տնօրեն Իվան Ժդանովը Նավալնիի մասին Պուտինի հայտարարությունից հետո Telegram-ում գրել է. «Հաստատել է փոխանակումը և անմիջապես հրամայել նրան սպանել»։
Ավելի վաղ մի քանի արևմտյան լրատվամիջոցներ, հղում անելով անանուն աղբյուրների, գրել էին, որ ռուսական իշխանությունները բանակցություններ են վարել Նավալնիի փոխանակման հարցով։
