07.10.2026 | 14:35
«Գիտուժ»-ը ահազանգում է․ 2027-ի բյուջեի նախագծում գիտության ռազմավարությամբ նախատեսված ծրագրերը ներառված չեն
Ալիևը հայտարարել է, թե Հայաստանի հետ հարաբերությունների կարգավորման լավ հնարավորություն կա
18.03.2024 | 11:45
Ադրբեջանի նախագահ Իլհամ Ալիևը հայտարարել է Հայաստանի հետ հարաբերությունների կարգավորման լավ հնարավորությունների մասին։
«ԱԳ նախարարների վերջին հանդիպումը, ինչպես նաև Ադրբեջանի և Հայաստանի փոխվարչապետների հանդիպումը սահմանի դելիմիտացիայի հարցով ցույց են տալիս, որ կարգավորման լավ հնարավորություններ կան։ Ինչպես ես վերջերս ասել եմ՝ հիմա մենք մոտ ենք խաղաղությանը, քան երբևէ նախկինում»,- ասել է Ալիևը ՆԱՏՕ-ի գլխավոր Յենս Ստոլտենբերգի հետ հանդիպումից հետո մամուլի համար արված հայտարարությունում։
Նա ասել է, թե «հիմա՝ Ադրբեջանի տարածքային ամբողջականության վերականգնման արդյունքում, կողմերը շատ մոտ են բեկման, որը կդառնա շատ լուրջ աշխարհաքաղաքական փոփոխություն Կովկասում»։ Ալիևը հավելել է, թե այսօր գտնվում են «Հայաստանի հետ խաղաղության բանակցությունների ակտիվ փուլում, հայ գործընկերների հետ խաղաղության համաձայնագրի նախագծի փոխանակման յոթ փուլ է անցկացվել»։
Բացի այդ, կրկին փորձելով արդարացնել Արցախի նկատմամբ 2020 և 2023 թվականներին իրականացրած ռազմական ագրեսիան ու էթնիկ զտումը՝ Ալիևն ասել է, թե «հակամարտությունը լուծվել է ռազմական ու քաղաքական ճանապարհով, և Բաքուն իրացրել է ինքնապաշտպանության իր իրավունքը՝ համաձայն ՄԱԿ-ի կանոնադրության»։
Հավելենք, որ ՆԱՏՕ-ի գլխավոր քարտուղարն այցելելու է նաև Վրաստան և Հայաստան։
