19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
ՌԴ նախագահի ընտրությունների համար ՀՀ-ում հինգ ընտրատեղամաս է բացվել
Քաղաքականություն
17.03.2024 | 10:17
Հայաստանում Ռուսաստանի Դաշնությունում նախագահական ընտրությունների քվեարկությունը տեղի է ունենում հինգ ընտրատեղամասերում, քվեարկության գործընթացը կազմակերպված է պատշաճ մակարդակով։ Այս մասին լրագրողների հետ զրույցում ասել է ՌԴ դեսպան Սերգեյ Կոպիրկինը․ հաղորդում է ՌԻԱ Նովոստին։
«Իհարկե, մենք ամենայն պատասխանատվությամբ ենք մոտեցել քվեարկության գործընթացի կազմակերպմանը Հայաստանում։ Համաձայն օրենսդրության և Ռուսաստանի Դաշնության Կենտրոնական ընտրական հանձնաժողովի գործող ցուցումների՝ ձեռնարկվել են համապատասխան կազմակերպչական քայլեր՝ ապահովելու, որ բոլոր նրանք, ովքեր ցանկանում են կատարել իրենց քաղաքացիական պարտքը, կարողանան դա անել հնարավորինս հարմարավետ կերպով։
Հայաստանի Հանրապետությունում ստեղծվել է հինգ ընտրատեղամաս․ երկուսը Երևանում՝ դեսպանատանը և ավիաբազայում, և երեքը Գյումրիում՝ ՌԴ գլխավոր հյուպատոսությունում և 102-րդ ռազմաբազայում»,- հայտնել է դեսպանը։
Հավելենք, որ մարտի 12-ին՝ Կապանում գտնվող Ռուսական կենտրոնում վաղաժամկետ քվեարկություն է անցկացվել։
