27.10.2026 | 00:08
Վարդան Մինասյանն աշխատանքի է անցել Լիբանանում
Դա շատ վտանգավոր է․ Զախարովան՝ Հայաստանի՝ ՀԱՊԿ-ից դուրս գալու մասին
Քաղաքականություն
16.03.2024 | 14:19
Հավաքական անվտանգության պայմանագրի կազմակերպությունից (ՀԱՊԿ) Հայաստանի հնարավոր դուրս գալը պետք է հիմնված լինի երկրի իրական կարիքների վրա, այլ ոչ թե Արևմուտքի հետ «սիրախաղի», նման որոշումը չի բխում երկրի ազգային շահերից․ ՌԻԱ Նովոստիին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Դա շատ վտանգավոր է, քանի որ անվտանգության խնդիր է»,- ասել է Զախարովան:
Ավելի վաղ ՀՀ վարչապետ Նիկոլ Փաշինյանը հայտարարել էր, որ Հայաստանը դուրս կգա ՀԱՊԿ-ից, եթե կազմակերպությունը չպատասխանի Երևանի բարձրացրած հարցերին՝ երկրի ինքնիշխան տարածքի վերաբերյալ։
Զախարովան նշել է, որ յուրաքանչյուր երկիր ազատ է ընտրելու, թե որ կազմակերպությունների հետ է ցանկանում զարգացնել հարաբերությունները՝ կախված կոնկրետ պատճառներից ու գործոններից։
«Ես վստահ եմ, պարզապես ես նման տեղեկություն ունեմ, որ ինչ-որ տեղ Բրյուսելի տարածքում, այսպես ասած «տեղեկատվական ապուր» է պատրաստվել, որով հիմա փորձում են կերակրել Հայաստանի քաղաքացիներին, ինչ-որ առակներ հորինել ՀԱՊԿ-ի մասին: ՀԱՊԿ-ից, իհարկե, երբեք վատ բան չի եղել»,- ասել է Զախարովան՝ հավելելով, որ, այնուամենայնիվ, Երևանն է որոշողը, սակայն այդ որոշումը չպետք է կայացնել «գոյություն չունեցող փաստերի» հիման վրա։
