05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ինչպե՞ս աշխատեց Կառավարությունը 100 օրերի ընթացքում. ձեռքբերումներն ու բացթողումները․ ՏԵՍԱՆՅՈՒԹ
Տնտեսություն
17.08.2018 | 11:15
ՀԱԿ փոխնախագահ Արամ Մանուկյանն, ամփոփելով Կառավարության գործունեության 100 օրը, առանձնացնում է կոռուպցիայի դեմ պայքարը և «Մարտի 1-ի» բացահայտմանն ուղղված իրավապահների քայլերը՝ Կառավարության բարոյական աջակցությամբ:
Արտահերթ խորհրդրանական ընտրությունների շուտափույթ անցկացման անհրաժեշտության մասին մշատպես բարձրաձայնած ՀԱԿ փոխնախագահն այժմ էլ շարունակում է պնդել՝ Կառավարության առաջնային խնդիրը դա է:
Ավելին՝ Մանուկյանն ասում է՝ դա Կառավարության սխալն է, որ մինչ այժմ ընտրություններ տեղի չեն ունեցել:
Հայաստանի Կառավարության ամենամեծ ձեռքբերումն անցած 100 օրերի ընթացքում, ըստ տնտեսագետ Բագրատ Ասատրյանի, եղել է երկրում մարդկանց տրամադրության փոփոխությունը:
Տնտեսագետը չի հերքում՝ դեռևս չկան ծրագրեր, չկա տնտեսական քաղաքականություն, սակայն պետք է հուսալ, որ առաջիկայում արդեն ինստիտուցիոնալ քայլեր կիրականացվեն:
Ասատրյանը ևս խոսեց արտահերթ խորհրդարանական ընտրությունների անցկացման մասին: Նա շեշտեց, որ ընտրությունների անցկացումից հետո պետք է ձևավորվի Կառավարության ծրագրերի իրականացմանը սատարող թիմ:
Վարչապետ Նիկոլ Փաշինյանի հասարակական հիմունքներով խորհրդական, տնտեսագետ Մեսրոպ Առաքելյանը հիշեցնում է տասնամյակներ շարունակ Հայաստանում կուտակված խնդիրների մասին՝ նշելով, որ դրանք չէին կարող 100 օրվա ընթացքում լուծում ստանալ:
Տնտեսագետն, այդուհանդերձ, Կառավարության 100 օրվա գործունեությունն ամփոփելիս որպես ձեռքբերում նշում է օրինակներ, որոնց ազդեցությունն այս ընթացքում քաղաքացիներն զգացել են իրենց մաշկի վրա:
Մեսրոպ Առաքելյանը նաև տեղեկացրեց՝ աշնանը նոր օրենսդրական փոփոխություններ են սպասվում, որոնք կնպաստեն, որպեսզի քաղաքացիները դրական փոփոխություններ զգան:
Մանրամասները՝ տեսանյութում:
Շողիկ Գալստյան
