12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Մոսկվայում երիտասարդ կնոջ են բերման ենթարկել՝ քվեատուփը վնասելու համար
Քաղաքականություն
15.03.2024 | 17:52
Մոսկվայում 20-ամյա աղջկա են բերման ենթարկել ընտրատեղամասերից մեկի քվեատուփի մեջ ադամանդյա կանաչ (զելյոնկա) լցնելու համար։ Քննչական կոմիտեի Մոսկվայի գրասենյակը քրեական գործ է հարուցել ընտրական գործընթացին խոչընդոտելու համար (Քրեական օրենսգրքի 141-րդ հոդված), փոխանցում է Current Time-ը:
Կասկածյալին կտեղափոխեն մայրաքաղաքի Քննչական կոմիտեի բաժին, որտեղ քննիչները կսկսեն նրան հարցաքննել, հայտնել են վարչությունից։
Baza-ն գրում է, որ միջադեպը տեղի է ունեցել Մարինո շրջանում գտնվող տեղամասում։ Ըստ աղբյուրի՝ աղջիկը շենք է մտել ադամանդյա կանաչը ձեռքին և այն լցրել է քվեատուփի մեջ՝ «ուկրաինամետ կարգախոսեր բղավելով»։ Նրան, իբր, ինչ-որ մեկը «հրահանգներ է տվել» հեռախոսով։
Համանման դեպքեր են գրանցվել Կարաչայ-Չերքեզիայի, Ռոստովի և Վորոնեժի մարզերում։ Կարաչայ-Չերքեզիայում քվեատուփի մեջ թանաք լցրած կնոջը բերման են ենթարկել, Ռոստովի մարզում քրեական գործ է հարուցվել Ազովի շրջանի 62-ամյա բնակչի նկատմամբ (Քրեական օրենսգրքի 141-րդ հոդված)։ Ըստ քննիչների՝ նա կանաչ հեղուկ է լցրել քվեատուփի մեջ։
