27.04.2026 | 13:56
63 միլիոն դրամ արժեքով անշարժ գույք․ ՀՀ-ն կվերականգնի Վայքի 1213,4 քմ շինության նկատմամբ սեփականության իրավունքը
Ուկրաինայի պատերազմի ելքը կորոշվի գարնանը և ամռանը․ Բորել
Քաղաքականություն
15.03.2024 | 12:53
ԵՄ արտաքին քաղաքականության և դիվանագիտության ղեկավար Ժոզեպ Բորելը Վաշինգտոնում տեղի ունեցած հանդիպումներից հետո հայտարարել է, որ Կիևին օգնության հատկացումը չի կարող սպասել, քանի որ Ուկրաինայի պատերազմի ելքը կորոշվի այս գարնանը և ամռանը, փոխանցում է BBC-ի ռուսական ծառայությունը։
«Ինչ էլ արվի, պետք է արագ արվի։ Հաջորդ ամիսները վճռորոշ են լինելու։ Շատ վերլուծաբաններ ակնկալում են ռուսական խոշոր հարձակում այս ամռանը, Ուկրաինան չի կարող սպասել ԱՄՆ-ի հաջորդ ընտրությունների արդյունքներին»,- ասել է նա լրագրողներին՝ մեկնաբանելով Կիևին ամերիկյան ռազմական օգնության շարունակման վերաբերյալ կասկածները։
Բորելը նշել է, որ Եվրոպան նույնպես պետք է արագացնի ռազմական աջակցությունն Ուկրաինային:
«Մենք պետք է արագացնենք։ Մենք պետք է մեծացնենք մեր աջակցությունը՝ ավելին անելու համար, ավելի արագ անելու համար: Ահա թե ինչու մենք մեծացնում ենք մեր արդյունաբերական պաշտպանունակությունը»,- հավելել է ԵՄ դիվանագիտության ղեկավարը։
