Երկրորդ նախագահը՝ քաղաքականություն վերադառնալու պատճառների մասին

Համարե’ք որ վերադարձել եմ, միանշանակ:

Այս մասին այսօր Երկիր Մեդիա հեռուստաընկերության եթերում ասաց 2-րդ նախագահ Ռոբերտ Քոչարյանն՝ ի պատասխան հարցին՝ արդյոք վերադարձել է քաղաքականություն:

Խոսելով  քաղաքականություն վերադառնալու իր պատճառների մասին՝ 2-րդ նախագահը նշեց. «Իրական նորություններով հետարքրքվող մարդը կարող է տեսնել, որ այսօր ռուս-ամերիկյան հարաբերություններն ամենացածր մակարդակում են, ԱՄՆ-Իրան հարաբերությունների այսօրվա վիճակը նայեք՝ ԱՄՆ-ն դուրս է եկել կնքված պայմանագրերից և խոստանում է նոր պատժամիջոցներ արդեն աշնանը: Թուրքիայի վիճակը՝ Թուրքիան 10 տարի առաջ ուրիշ երկիր էր, որը պարտավոր էր ցույց տալ, առնվազն, որ ժողովրդավար երկիր է, իսկ այսօր նա այդ պարտավորություններից դուրս է, և մենք տեսնում ենք՝ ինչպես է Էրդողանը վարվում Սիրիայի հետ: Տեսնում ենք հարաբերությունները Ադրբեջանի հետ: Այս բոլորը կապեք իրար հետ և տեսեք՝ մենք ինչ ունենք այս իրավիճակում»,-ասաց  Ռոբերտ Քոչարյանը՝ շեշտելով, որ այսօրվա Կառավարությունն ադեկվատ ձևով չի գնահատում այն, ինչ կատարվում է իր շուրջ: 

Ռոբերտ Քոչարյանը նշեց, որ մեծ մտահոգություն ունի, երբ վարչապետն ասում է, որ ամբողջ աշխարհը պետք է ադապտացվի մեր երկրում կատարվող փոփոխություններին:

«Ես տպավորություն ունեմ, որ չեն պատկերացնում իրական վտանգները, անում են հայտարարություններ, բայց գործնականում տեսնում ենք այլ քայլեր: Այն գինը, որը նման սխալների համար տալիս են, շատ մեծ է լինում»,-ասաց Ռոբերտ Քոչարյանը: