21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
«Մարտի 1»-ի գործով շատ հանգամանքներ դեռևս անհայտ են. Գևորգ Կոստանյան
Տեսանյութեր
10.07.2017 | 13:17
«Մարտի 1»-ի գործը 10 մասի բաժանելը միտված էր դրանց համար ավելի արդյունավետ քննություն ապահովելուն: Այս մասին ասյօր խորհրդարանում լրագրողների հետ զրույցում հայտարարեց ԱԺ ՀՀԿ խմբակցության պատգամավոր, նախկին գլխավորր դատախազ Գևորգ Կոստանյանը:
«Մինչև իմ պաշտոնավարումը այդ գործերը ամբողջական մեկ քրեական գործի շրջանակում էին քննվում, իսկ դա, որպես կանոն, առաջացնում է քննության անարդյունավետություն: Հետո իմ հանձնարարությամբ, որպեսզի յուրաքանչյուր մահվան կապակցությամբ ավելի արդյունավետ քննություն իրականացնենք, գործը 10 մասերի առանձնացրեցին՝ յուրաքանչյուրն առանձին գործով: Ինչո՞ւ, որպեսզի դա հնարավորություն տա նաև քննիչին, իրավահաջորդների ներկայացուցիչներին, փաստաբաններին և իրավապաշտպաններին ավելի առարկայական պատկերացնել, թե գործը քննության որ փուլում է, ինչ հետևանքներ կան, և յուրաքանչյուր քննիչի որոշում, որը ոչ արդյունավետ են համարում, կարողանան սահմանված կարգով բողոքարկել», – նշեց Կոստանյանը:
Նախկին գլխավոր դատախազը պնդում է՝ «Մարտի 1»-ի գործով արդյունավետ քննության համար ամեն ինչ արել է: Կոստանյանը չհամաձայնեց դիտարկմանը, որ «Մարտի 1»-ի գործը արհեստական ձգձգվում է:
«Գործի շատ հանգամանքներ դեռևս անհայտ են: Այն հանգամանքը, որ այդ քրգործերը չեն կասեցվում, նշանակում է, այդ քրեական գործերով բազմաթիվ անելիքներ կան: Եթե քրեական գործով մեղադրյալ չի հայտնաբերվել, բայց գործը կարճելու հիքմեր էլ չկան, գործը կասեցվում է: Քննիչն իր պատկերացմամբ բոլոր քննչական գործողությունները կատարում է, բայց արդյունքի չի հասնում, հետևաբար գործը կասեցվում է: Այն հանգամանքը, որ քրգործը քննիչի կողմից կասեցված չէ, նշանակում է, որ քննիչը և դատախազը գտնում են, որ այդ քրեական գործերով դեռևս քննչական գործերի անհրաժեշտություն կա», – ընդգծեց Կոստանյանը:
Նշենք, որ այսօր խորհրդարանում ՀՀ գլխավոր դատախազության 2016 թվականի հաշվետվության քննարկման ընթացքում ԱԺ ընդդիմադիիր «Ելք» խմբակցության ղեկավար Նիկոլ Փաշինյանը կասկածի տակ առավ ՙՄարտի 1՚-ի գործով դատախազության իրականացրած քայլերը:
Մանրամասները՝ տեսանյութում:
Շողիկ Գալստյան
