05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Հայաստանում ռուսական ռազմաբազայի նյութատեխնիկական ահահովման ստորաբաժանումները ուսումնական վարժանքներ են անցկացրել․ Արցախպրեսս
16.08.2018 | 20:12
Հայաստանում ռուսական ռազմաբազայի նյութատեխնիկական ահահովման ստորաբաժանումները ռազմական ոստիկանության ստորաբաժանման հետ համատեղ անցկացրել են ռազմական տեխնիկայի շարասյան շարժումը կազմակերպելու հատուկ տակտիկական ուսումնական վարժանքներ:
Ինչպես տեղեկացրին Հայաստանում ռուսական ռազմաբազայի մամուլի ծառայությունից, ուսումնական վարժանքների ընթացքում զինծառայողները իրականացրել են շարասյան ռազմական տեխնիկայի շարժն ապահովելու առաջադրանքներ, մշակվել են վերալիցքավորման և պայմանական հակառակորդի կենդանի ուժերի ու զրահատեխնիկայի գրոհները հետ մղելու գործողություններ:
Նյութատեխնիկական ապահովման ստորաբաժանումները պատրաստել են վերալիցքավորման երկու կետ և իրականացրել են շարքից դուրս եկած պայմանական տեխնիկայի վերանորոգման աշխատանքներ՝ վերանորոգման շարժական արհեստանոցների օգնությամբ:
Ռազմական ոստիկանության ստորաբաժանումներն ապահովել են ճանապարհային շարժի անվտանգությունը: Ուսումնական վարժանքներին մասնակցել է 500 զինծառայող և ավելի քան 200 միավոր ռազմական տեխնիկա:
