25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
Շոլցը հերքել է Մակրոնի հետ կոնֆլիկտի մասին լուրերը
Քաղաքականություն
14.03.2024 | 20:02
Գերմանիայի կանցլեր Օլաֆ Շոլցի և Ֆրանսիայի նախագահ Էմանուել Մակրոնի միջև կոնֆլիկտ չկա։ Այս մասին ասել է Գերմանիայի կառավարության ղեկավարը, հայտնել է BR24-ը:
«Ես և Էմանուել Մակրոնը շատ լավ անձնական հարաբերություններ ունենք, ես դրանք նույնիսկ շատ ընկերական կանվանեի»,- ասել է կանցլերը՝ նշելով, որ իրեն «հատկապես» հետաքրքրում է գերմանա-ֆրանսիական բարեկամությունը։
Շոլցը նաև պատմել է, որ մարտի 15-ին Մակրոնի և Լեհաստանի վարչապետ Դոնալդ Տուսկի հետ Բեռլինում կայանալիք Վայմարի եռանկյունու հանդիպումը հիմնականում նվիրված կլինի Ուկրաինային օգնությանը։
«Պետք է անել հնարավոր ամեն ինչ՝ Ուկրաինային հնարավորինս մեծ աջակցություն կազմակերպելու համար, կա՞, արդյոք, բավարար զինամթերք, կա՞ բավարար հրետանի, կա՞ ավելի շատ հակաօդային պաշտպանության կարիք»,- ասել է Շոլցը։
Ավելի վաղ Bloomberg-ը գրել էր, որ Մակրոնն ու Շոլցը, կարծես, իրար հետ լեզու չեն գտնում, ինչը կարող է վնասել Ուկրաինային։
