25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
Աշխարհում մանկական մահացությունը հասել է ռեկորդային ցածր մակարդակի. ՄԱԿ
Քաղաքականություն
14.03.2024 | 23:14
Աշխարհում մինչև 5 տարեկան մահացած երեխաների թիվը 2022 թվականին հասել է ռեկորդային նվազագույնի, հայտնում է AFP-ն՝ վկայակոչելով ՄԱԿ-ի զեկույցը։
Առաջին անգամ այս ցուցանիշը 5 միլիոնից պակաս է եղել։
ՄԱԿ-ի գնահատմամբ՝ 2022 թվականին 4,9 միլիոն երեխա է մահացել իր հինգերորդ տարեդարձից առաջ, ինչը 51 տոկոսով պակաս է 2000 թվականի և 62 տոկոսով՝ 1990 թվականի համեմատ:
Այնուամենայնիվ, զեկույցի հեղինակները զգուշացնում են, որ այս առաջընթացն «անկայուն» է և անհավասար:
«Բազմաթիվ լավ նորություններ կան, և գլխավորն այն է, որ մենք հասել ենք մինչև 5 տարեկան երեխաների մահացության պատմական ցածր մակարդակի, որն առաջին անգամ եղել է 5 միլիոնից պակաս, մասնավորապես՝ տարեկան 4,9 միլիոն»,- AFP-ին հայտնել է ՄԱԿ-ի մանկական հիմնադրամի (ՅՈՒՆԻՍԵՖ) առողջապահության տնօրեն Հելգա Ֆոգստադը:
