12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ալիևը հայտարարել է, թե Հայաստանի հետ խաղաղությունը մոտ է ավելի, քան երբևէ
Քաղաքականություն
14.03.2024 | 13:02
Ադրբեջանի նախագահ Իլհամ Ալիևը հայտարարել է, թե Բաքուն Երևանի հետ խաղաղությանն այժմ մոտ է ավելի, քան երբևէ, հայտնում են ադրբեջանական լրատվամիջոցները։
«Հարավային Կովկասի անկախության պատմության ընթացքում խաղաղությունը երբեք այսքան մոտ չի եղել։ Սա Ղարաբաղյան երկրորդ պատերազմի արդյունքն է»,- ասել է Ալիևը Բաքվի 11-րդ գլոբալ ֆորումում ունեցած ելույթում։
Նա նաև նշել է, թե Ադրբեջանը, իբր, պատրաստ է շարունակել Հայաստանի հետ խաղաղության բանակցությունները, քանի որ տարածաշրջանում անկայունությանը վերջ դնելու ժամանակն է։
«Այժմ վերսկսվել են երկու երկրների արտգործնախարարների մակարդակով հանդիպումները: Մենք տեսնում ենք, որ կարելի է հասնել խաղաղության, մենք դա ուզում ենք: Մենք վերականգնել ենք պատմական արդարությունը և միջազգային իրավունքը: Հիմա ժամանակն է վերջ դնել թշնամությանը այս տարածաշրջանում»,- ասել է Ադրբեջանի նախագահը։
