07.10.2026 | 14:02
Պուտինն ու Փաշինյանը քննարկել են օրակարգային հարցեր
ՌԴ Մագադանի շրջանում Մի-8 ուղղաթիռ է վթարվել, որում եղել է 20 մարդ
Քաղաքականություն
14.03.2024 | 11:49
Մագադանի շրջանում Մի-8 ուղղաթիռ է վթարվել։ Ինքնաթիռում եղել է 20 մարդ, այդ թվում՝ անձնակազմի 3 անդամ։ Այս մասին հայտնում է Հեռավոր Արևելքի տրանսպորտային դատախազությունը, գրում է Current Time-ը։ Ըստ գերատեսչության՝ «վթարային վայրէջք է տեղի ունեցել»։
Արտակարգ իրավիճակների նախարարության գլխավոր վարչության որոնողափրկարարական խմբի ղեկավար Պավել Կլոչկովը հայտնել է, որ մեկ մարդ զոհվել է, երկուսը՝ վիրավորվել։ Դեպքի վայր են մեկնել փրկարարները և երկու ուղղաթիռներ, սակայն թռիչքը կտևի վեց ժամ։
«Մենք չգիտենք՝ հնարավո՞ր է տեղում վայրէջք կատարել, թե ոչ, ուստի՝ պատրաստվում ենք մարդկանց տարհանել ճախարակի միջոցով: Դեռևս քիչ տեղեկություններ կան․ ամեն ինչ տեղի է ունեցել բնակեցված վայրերից հեռու», – հավելել է Կլոչկովը։
Օդային տրանսպորտի դաշնային գործակալությունը հայտնել է, որ վիրավորների վիճակը ծանր է։
Նախնական տվյալներով՝ վթարի պատճառը շարժիչի խափանումն է եղել։ Գերատեսչությունը հետաքննություն է սկսել։ Քննիչները գործ են հարուցել երթևեկության անվտանգության և օդային տրանսպորտի շահագործման կանոնները խախտելու հոդվածով, որն անզգուշությամբ հանգեցրել է մարդու մահվան (Քրեական օրենսգրքի 263-րդ հոդվածի 2-րդ մասը նախատեսում է մինչև չորս տարի ազատազրկում):
