01.11.2024 | 13:22
Առողջության համապարփակ ապահովագրությունը 2025 թվականին չի լինի․ Ֆինանսների նախարար․ ՏԵՍԱՆՅՈՒԹ
ՌԴ-ի և Թուրքիայի ԱԳ փոխնախարարները հայ-ադրբեջանական կարգավորման գործընթացն են քննարկել
Քաղաքականություն
14.03.2024 | 10:56
ՌԴ ԱԳ փոխնախարար Միխայիլ Գալուզինն Անկարայում խորհրդակցություններ է անցկացրել թուրք գործընկերոջ՝ Բուրաք Աքչապարի հետ՝ Ուկրաինայի հակամարտության դիվանագիտական կարգավորման և Հարավային Կովկասում տիրող իրավիճակի թեմաներով, հայտնում է ՌԴ ԱԳՆ-ն։
Հաղորդվում է, որ քննարկվել է ուկրաինական ճգնաժամի թեման, այդ թվում՝ դրա քաղաքական-դիվանագիտական կարգավորումը։ Ռուսական կողմն ընդգծել է՝ անհրաժեշտ է, որ հավաքական Արևմուտքը, ԱՄՆ-ի գլխավորությամբ, դադարեցնի Ուկրաինային զենքի մատակարարումները, և Կիևը պետք է ընկալի նոր աշխարհաքաղաքական իրողությունները։
Կողմերը համեմատել են նաև իրենց տեսակետներն Անդրկովկասում իրավիճակի վերաբերյալ՝ «ընդգծելով հայ-ադրբեջանական հարաբերությունների կարգավորման գործընթացի կարևորությունը և դրան նպաստումը՝ առաջին հերթին տարածաշրջանային ձևաչափերի շրջանակում»։
Քննարկվել են նաև ռուս-թուրքական օրակարգի որոշ ասպեկտներ՝ Մոսկվայի և Անկարայի միջև համագործակցության խորացման ու կառուցողական երկխոսության հետագա համատեղ քայլերի տեսանկյունից։
