15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Պուտինից ողջույն․ Վիլնյուսում հարձակման ենթարկված Ալեքսեյ Նավալնիի համախոհը՝ իր վրա հարձակման մասին
Քաղաքականություն
13.03.2024 | 18:53
Նախօրեին Վիլնյուսում հարձակման ենթարկված Լեոնիդ Վոլկովն ասել է, որ մահափորձը «տիպիկ, բնորոշ, ավազակային ողջույն էր Պուտինի կողմից ավազակային Սանկտ Պետերբուրգից»։ Այս մասին Ալեքսեյ Նավալնիի թիմակիցը հայտարարել է իր Telegram-ալիքում հրապարակված տեսանյութում, գրում է DW-ի ռուսական ծառայությունը։
Լեոնիդ Վոլկովի պատմությունից պարզ է դառնում, որ հարձակվողը եղել է միայնակ։ Սակայն ընդդիմադրի կինը՝ Աննա Բիրյուկովան, պատմել է, որ քաղաքական գործչի վրա հարձակվողները կարող էին երկուսը լինել։
«Լեոնիդը հասցրել է նկատել մեկին, կնոջը թվում է, որ վերջին պահին պատուհանից երկուսին է տեսել»,- «Ագենստվո»-ին ասել է Ալեքսեյ Նավալնիի մամուլի քարտուղար Կիրա Յարմիշը։
Նրա խոսքով՝ դժվար է դատել, թե ինչ մտադրություններ են ունեցել հարձակման մասնակիցները։
«Դատելով հարձակման դաժանությունից՝ նրանք կարող էին ինչ ասես՝ ծրագրել։ Չի երևում, որ նրանք լուրջ վնաս պատճառելու նպատակ չեն ունեցել»,- պարզաբանել է Յարմիշը։
Լիտվայի հետախուզական ծառայությունների ներկայացուցիչը հայտնել է, որ հարձակումը, հավանաբար, կազմակերպվել է ռուսական կողմի կողմից և կարող է կապված լինել առաջիկա նախագահական ընտրությունների հետ, փոխանցում է Reuters-ը։
