14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ֆրանսիան Կորսիկային ինքնավարության կարգավիճակ կշնորհի
Քաղաքականություն
13.03.2024 | 16:41
Ֆրանսիայի ներքին գործերի նախարարությունը և Կորսիկայի իշխանությունները կղզու ինքնավարության համար ազգայնականների զինված պայքարի մեկնարկից կես դար անց Փարիզում համաձայնություն են ձեռք բերել երկրի 18 երկրամասերից մեկը հանդիսացող այս կղզուն ինքնավարություն շնորհելու հարցի շուրջ։
Մի քանի ամիս շարունակված բանակցությունների արդյունքում մշակված փաստաթղթով նախատեսվում է ճանաչել Կորսիկայի ինքնավար կարգավիճակը Ֆրանսիայի Հանրապետության կազմում։
Փարիզի ՆԳՆ-ում Կորսիկայի վարչակազմի և կենտրոնական կառավարության ներկայացուցիչների միջև բանակցությունները կոչվում են «մարաթոն», հաղորդում է France24 հեռուստաալիքը։
Վեց ամիս առաջ Էմանուել Մակրոնը, այցելելով Կորսիկա, դարձել է հանրապետության առաջին նախագահը, որը բացահայտորեն հանդես է եկել կորսիկացիներին «ինքնավարության որոշակի ձև» տրամադրելու օգտին։
Փարիզի բանակցություններում հաստատված օրինագիծը նախատեսում է «Ֆրանսիայի Հանրապետության կազմում Կորսիկայի ինքնավար կարգավիճակի ճանաչում»:
