ԵԽ-ն հետաքննություն է սկսել Ադրբեջանում Toplum TV-ի լրագրողների ձերբակալությունների կապակցությամբ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Եվրոպայի խորհրդի լրագրողների պաշտպանության պլատֆորմը հետաքննություն է իրականացնում անդրբեջանական Toplum TV-ի լրագրողների ձերբակալությունների վերաբերյալ։ Մասնավորապես, հարցում է ուղարկվել Ադրբեջանի կառավարությանը լրատվամիջոցի վերաբերյալ։ Հարցումը նախաձեռնել են Լրագրողների եվրոպական ֆեդերացիան, Լրագրողների միջազգային ֆեդերացիան և Լրագրողների արդարադատության հիմնադրամը, հայտնում է VOA-ի ադրբեջանական ծառայությունը։

Մինչև հունիսի 8-ը Ադրբեջանի կառավարությունից բացատրություններ են սպասվում լրատվամիջոցի գրասենյակի խուզարկության և նրա աշխատակիցների կալանավորումների հետ կապված։ Բողոքի հեղինակներն ակնկալում են կալանավորածների ազատ արձակում և քրեական հետապնդման դադարեցում։

«Նոր սերունդ» լրագրողական ասոցիացիայի նախագահ Արիֆ Ալիևը, մեկնաբանելով այս նախաձեռնությունը, նշել է, որ տեղական մակարդակում լրագրողների իրավական պաշտպանության հնարավորությունները չափազանց սահմանափակ են։

«Լրագրողական կազմակերպությունները, որոնք ժամանակին շատ ակտիվ էին, արդեն դադարեցրել են իրենց գործունեությունը կամ լուծարվել են։ Ադրբեջանը դարձել է մեծ թվով բանտարկված լրագրողներով երկիր։ Վերջին ամիսներին հատկապես նկատելի են բացասական միտումներ այդ ոլորտում»,- նշել է նա՝ ասելով, որ միջազգային կառույցների հնարավորությունները բավականին լայն են։

Ժուռնալիստների միության ղեկավար Էլչին Շիխլին նույնպես նշել է, որ երկրում լրագրողների իրավունքները պաշտպանող ինստիտուտ չի մնացել։ Նրա կարծիքով՝ հասարակության մեջ ձևավորվել է այն միտքը, որ «լրագրողը ոչ թե լուրջ մասնագիտության ներկայացուցիչ է, այլ մի տեսակ վնասակար տարր»։

Հիշեցնենք, որ մարտի 6-ին ոստիկանությունը Բաքվում խուզարկություն էր իրականացրել է Toplum TV-ի խմբագրությունում և ձերբակալել տասնյակ աշխատակիցների։ Խուզարկել են նաև «3-րդ Հանրապետություն» շարժման գրասենյակը։ Լրագրողների մեծ մասը ժամեր անց ազատ է արձակվել։ Սակայն մարտի 8-ին Բաքվի Խաթայի շրջանային դատարանը հեռուստաընկերության գործով հինգ մեղադրյալների՝ Ակիֆ Գուրբանովի, Իլկին Ամրահովի, Ռամին Բաբաևի, Մուշֆիգ Ջաբբարի և Ալի Զեյնալի նկատմամբ խափանման միջոց է ընտրել 4 ամսով կալանքը։ Toplum TV-ի աշխատակիցներ Ֆարիդ Իսմայիլովի և Էլմիր Աբասովի նկատմամբ էլ սահմանվել է տնային կալանք։ Բոլորը մեղադրվում են մաքսանենգության մեջ։

Ակիֆ Գուրբանովը «3-րդ Հանրապետություն» հարթակի ղեկավարն է։

Մարտի 9-ին նույն դատարանը 4 ամսով կալանավորել էր Toplum TV-ի հիմնադիր Ալեսքեր Մամեդլիին։ «3-րդ Հանրապետություն» հարթակի մեկ այլ անդամ Ռուսլան Իզեթլին ևս 4 ամսով կալանավորվել է։

2023 թվականի նոյեմբերից Ադրբեջանում տասնյակից ավելի անկախ և ընդդիմադիր լրագրողներ, ակտիվիստներ ու հասարակական-քաղաքական գործիչներ են ձերբակալվել, որոնց միջազգային կառույցներն ազատ արձակելու կոչ են անում։