05.04.2026 | 12:48
Ցավը խորանում է, երբ շարունակվում է սերմանվել պառակտումի որոմը․ Գարեգին Բ կաթողիկոս
Ազգային արխիվում բացվել է Արամ Խաչատրյանին նվիրված ցուցադրությունը
Մշակույթ
13.03.2024 | 13:36
Արդարադատության նախարար Գրիգոր Մինասյանը և ԿԳՄՍ նախարար Ժաննա Անդրեասյանն՝ Ազգային արխիվի նորաբաց ցուցասրահում ներկա են գտնվել Արամ Խաչատրյանի 120-ամյակին նվիրված ցուցադրության բացմանը․ տեղեկացնում են ՀՀ ԱՆ-ից։
Ցուցադրության ընթացքում ներկայացվել են ինչպես Հայաստանի ազգային արխիվի ֆոնդերում պահպանվող Արամ Խաչատրյանի կյանքի և գործունեության վերաբերյալ նորահայտ արխիվային փաստաթղթերը, այնպես էլ Արամ Խաչատրյանի տուն-թանգարանից բերված մեծանուն կոմպոզիտորի անձնական իրերը։
Միջոցառմանը ներկա էին նաև Արդարադատության նախարարության գլխավոր քարտուղար Սիրվարդ Գևորգյանը, ՀԱԱ տնօրեն Արթուր Ստեփանյանը, Արամ Խաչատրյանի տուն-թանգարանի տնօրեն Արմինե Գրիգորյանը և այլ հյուրեր։
Ցուցադրությունը կազմակերպվել է Հայաստանի ազգային արխիվի և ԿԳՄՍ նախարարության Արամ Խաչատրյանի տուն-թանգարանի համատեղ ջանքերով։
