01.11.2024 | 17:22
Թրամփն իրեն ՌԴ-ի բարեկամ համարողներին «հիվանդ» է անվանել՝ հայտարարելով, թե հենց ինքն է կանգնեցրել «Հյուսիսային հոսք 2»-ը
Գերմանիան պատրաստի վիճակի է բերում իր TAURUS հրթիռները
Քաղաքականություն
13.03.2024 | 13:47
Գերմանիայի կառավարությունը որոշել է արդիականացնել և ծառայության վերադարձնել TAURUS հեռահար թևավոր հրթիռները, որոնք ծառայում են երկրի զինված ուժերին (Բունդեսվեր): Երկրի Պաշտպանության նախարարությունը Բունդեսթագի համապատասխան հանձնաժողովին տեղեկացրել է համապատասխան ծրագրերի մասին արտակարգ նիստի գաղտնի մասի ժամանակ, գրում է DW-ի ռուսական ծառայությունը։
Հրապարակման համաձայն՝ Գերմանիայի զինված ուժերի զինանոցում կա MBDA-ի արտադրած մոտ 600 TAURUS, ճշգրիտ թիվը գաղտնիք է։ Սակայն 2018 թվականին կատարված տեխնիկական բարելավումներից հետո դրանցից միայն կեսն է համարվում այս պահին գործող, իսկ մնացածի սերտիֆիկացման ժամկետը լրացել է։
Այժմ բոլոր հրթիռները պետք է ամբողջական ստուգում անցնեն, իսկ սերտիֆիկացման ժամկետները լրացածները կուղարկվեն հիմնանորոգման։
Ըստ Die Welt-ի՝ բոլոր TAURUS-ները շահագործման հանձնելու որոշումը նոր հնարավորություններ է բացում Բեռլինի կառավարության համար. այն կկարողանա ավելի շատ թևավոր հրթիռներ փոխանցել Ուկրաինային՝ չվտանգելով ազգային պաշտպանությունը:
