15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
ՌԴ-ում ռազմատրանսպորտային Իլ-76 ինքնաթիռ է կործանվել
Քաղաքականություն
12.03.2024 | 15:34
ՌԴ Իվանովոյի մարզում ռազմատրանսպորտային Իլ-76 ինքնաթիռ է կործանվել։ Այս մասին հաղորդում են «112» և «Shot» տելեգրամ-ալիքները, փոխանցում է Meduza-ն։
Ականատեսները սոցիալական ցանցերում տեսանյութեր են հրապարակում, որտեղ երևում է այրվող շարժիչով ինքնաթիռ։ Այն պետք է վայրէջք կատարեր Իվանովո քաղաքի մոտ գտնվող Սևերնի օդանավակայանում, սակայն ընկել է անտառային գոտում՝ Պոդտալիցի գյուղի և Բոգորոդսկոյե գերեզմանատան մոտ։ Դատելով կադրերից՝ ինքնաթիռի շարժիչը վայրէջքի ժամանակ ընկել է։
Ըստ Baza-ի՝ ինքնաթիռում եղել է 12 մարդ։
ՌԴ ՊՆ-ն հաստատել է ինքնաթիռի կործանոման փաստը։
«Մարտի 12-ին Մոսկվայի ժամանակով 13:00-ի սահմաններում պլանային թռիչքի ժամանակ օդ բարձրանալիս Իվանովոյի մարզում կործանվել է ռազմատրանսպորտային Իլ-76 ինքնաթիռը, որում եղել են անձնակազմի ութ անդամներ և յոթ ուղևորներ։ Դեպքի վայրից ստացված զեկույցի համաձայն՝ աղետի պատճառը եղել է ինքնաթիռի թռիչքի ժամանակ շարժիչներից մեկում բռնկված հրդեհը»,- ասվում է պաշտոնական հաղորդագրության մեջ։
