ԱՄՆ հետախուզությունը խոսել է ՌԴ-ի և Չինաստանի միջև համագործակցության ամրապնդման մասին

Ռուսաստանը տնտեսական օգնություն է ստանում Չինաստանից և ավելացնում է չինական արտադրանքի ներմուծումը, որը կարող է օգտագործվել ռազմական նպատակներով։ Այս մասին ասվում է ԱՄՆ հետախուզության զեկույցում, որը գնահատում է 2024 թվականի սպառնալիքները, հայտնել է Reuters-ը։

Չինաստանը տնտեսական և անվտանգության աջակցություն է ցուցաբերում Ռուսաստանին՝ միաժամանակ աջակցելով ռուսական արդյունաբերական բազային, ասվում է զեկույցում։

Այնուամենայնիվ, նշվում է, որ Չինաստանի և Ռուսաստանի միջև առևտուրն աճում է ուկրաինական պատերազմի սկզբից ի վեր, իսկ չինական ապրանքների արտահանումը, որոնք կարող են օգտագործվել ռազմական նպատակներով, 2022 թվականից ի վեր աճել է ավելի քան երեք անգամ։

ԱՄՆ Ազգային հետախուզության տնօրեն Ավրիլ Գեյնսը Սենատի հետախուզության հանձնաժողովում ունեցած ելույթում կոչ է արել օրենսդիրներին հավանություն տալ Ուկրաինային ավելի շատ ռազմական օգնության տրամադրմանը։ Նա ասել է, որ «դժվար է պատկերացնել, թե ինչպես Ուկրաինան կարող է պահել այն տարածքը, որը խլել է Ռուսաստանից՝ առանց Վաշինգտոնի լրացուցիչ օգնության:

Ամերիկյան հետախուզական ծառայությունները նաև նշել են, որ Միացյալ Նահանգները բախվում է «ավելի փխրուն աշխարհակարգի», որը տառապում է մեծ պետությունների միջև մրցակցությունից, անդրազգային մարտահրավերներից և տարածաշրջանային հակամարտություններից:

«Հավակնոտ, բայց անհանգիստ Չինաստանը, դիմակայող Ռուսաստանը, որոշ տարածաշրջանային պետություններ, ինչպիսին Իրանն է, և ավելի հզոր ոչ պետական դերակատարներ մարտահրավեր են նետում միջազգային համակարգի վաղեմի կանոններին, ինչպես նաև դրանում ԱՄՆ-ի գերակայությանը»,- ասվում է հետախուզության հայտարարության մեջ:

Բացի այդ, զեկույցում նախազգուշացվում է, որ Չինաստանը կարող է օգտագործել տեխնոլոգիա՝ փորձելով ազդել ԱՄՆ-ում նախանշված ընտրությունների վրա։

Ավելի վաղ հաղորդվել էր, որ Ռուսաստանը հածանավ է ուղարկել Իրանի և Չինաստանի հետ վարժանքների։