27.04.2026 | 13:56
63 միլիոն դրամ արժեքով անշարժ գույք․ ՀՀ-ն կվերականգնի Վայքի 1213,4 քմ շինության նկատմամբ սեփականության իրավունքը
Կուրսկի շրջանի նահանգապետը հաստատել է սահմանը ճեղքելու փորձը
Քաղաքականություն
12.03.2024 | 13:46
Կուրսկի շրջանի նահանգապետ Ռոման Ստարովոյտը 47 վայրկյան տևողությամբ տեսանյութ է հրապարակել, որում հայտնել է, որ անցած գիշերն «անհանգիստ էր»։ Տեսանյութում նա խոսել է տարածաշրջանի վրա «անօդաչու թռչող սարքերի զանգվածային հարձակման» մասին, իսկ կից արված գրառման մեջ պարզաբանել է, որ դրանք 11-ն են եղել, փոխանցում է BBC-ի ռուսական ծառայությունը։
Նահանգապետը նաև հայտնել է, որ «առավոտից գնդակոծվում է Տետկինո գյուղը, դիվերսիոն-հետախուզական խմբի կողմից ճեղքման փորձ է արվել, կրակային մարտ է եղել, բայց այնտեղ ճեղքում չի եղել»:
Այսօր առավոտյան «Ազատություն Ռուսաստանին» լեգեոնը (Ռուսաստանում ահաբեկչական ճանաչված և արգելված) մի քանի տեսանյութ է հրապարակել, որում պնդում է արվում, որ հատվել է ռուս-ուկրաինական սահմանը։
Ռուս զինվորական բլոգերները և «Baza» Telegram-ալիքը պնդում էին, որ Կուրսկի շրջանի Տետկինո գյուղի տարածքում «կրակային մարտ» է եղել, «գործում է նաև հրետանին»։
