12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ռուսաստանի հարձակումն Արևելյան Ուկրաինայում կանգնեցվել է. Զելենսկի
Քաղաքականություն
12.03.2024 | 14:47
Ուկրաինայի նախագահ Վլադիմիր Զելենսկին հայտարարել է, որ ռուսական հարձակումն արևելյան ճակատում դադարեցվել է։ Ֆրանսիական Le Monde-ին և BFM TV-ին տված հարցազրույցում նա ընդգծել է, որ ներկայիս իրավիճակը ռազմաճակատում շատ ավելի լավ է, քան եղել է վերջին երեք ամիսների ընթացքում, գրում է DW-ի ռուսական ծառայությունը։
«Մենք դժվարություններ ունեինք հրետանային զինամթերքի, հակաօդային պաշտպանության, հեռահար սպառազինության և ռուսական անօդաչու թռչող սարքերի խտության պատճառով։ Մենք լավ աշխատանք կատարեցինք ռուսական ինքնաթիռների դեմ, վերականգնեցինք իրավիճակն արևելքում, և ռուսական հարձակումը կասեցվեց»,- ասել է նա։
Զելենսկին նշել է, որ ռուսական զորքերն ավերել են Ավդեևկան և կարողացել են գրավել ուկրաինական տարածքները, սակայն հիմա նրանք այլևս չեն կարող առաջ շարժվել, քանի որ կորցրել են մեծ թվով ինքնաթիռներ։
Պատասխանելով հարցին՝ հավատո՞ւմ է, որ Ուկրաինայի զինված ուժերը կկարողանան ամբողջությամբ կասեցնել ռուսական հարձակումը, ուկրաինական պետության ղեկավարն ընդգծել է, որ պետք է իրատես լինել այս հարցում։
«Մենք չենք կարող վստահ լինել, քանի դեռ ընթանում է այս պատերազմը, մենք այդպիսին կլինենք, երբ հաղթենք: Ինչո՞ւ ես ավելի դրական տրամադրված չեմ, որովհետև գուցե վաղը, մեկ շաբաթից կամ մեկ ամսից ռուսները կարողանա ստանալ ևս մեկ միլիոն զինամթերք, բայց նրանք, որոնց վրա մենք հույս ենք դնում, ոչ»,- ասել է Վլադիմիր Զելենսկին:
