17.05.2024 | 13:10
Եկավ ժողովրդին պառակտեց, գնաց. ինչ իրավիճակ է Կիրանցում մարզպետի հետ հանդիպումից հետո․ ՏԵՍԱՆՅՈՒԹ
Հարցաքննվելու է նաև Սերժ Սարգսյանը. ՀՔԾ պետ. ՏԵՍԱՆՅՈՒԹ
16.08.2018 | 16:00
«Մարտի 1»-ի գործով հարցաքննվելու է նաև Սերժ Սարգսյանը: Այսօր կառավարության նիստից հետո լրագրողների հետ զրույցում հայտարարեց Հատուկ քննչական ծառայության պետ Սասուն Խաչատրյանը:
«Բազմիցս նշել եմ, որ հարցաքննվելու են բոլորը, ովքեր առնչություն են ունեցել այս գործին, բոլորն առանց բացառության: Այո, հարցաքննվելու է նաև Սերժ Սարգսյանը: Դա արդեն քրեական գործի քննության անհրաժեշտությունից ելնելով, որոշում է քննիչը, ելնելով կոնկրետ քննչական գործողությունը կատարելու նպատակահարմարությունից: Հարցաքննությունն, ինքնին, ինքնանպատակ չէ, այդ հարցաքննությամբ նպատակը որոշակի տվյալներ ձեռք բերելն է»,- մանրամասնեց Սասուն Խաչատրյանը:
Ինչ վերաբերում է Քոչարյանի ազատության մեջ հայտնվելուն, ՀՔԾ պետը հույս հայտնեց, որ գլխավոր դատախազությունը վճռաբեկ բողոք կներկայացնի և Հայաստանի երկրորդ նախագահը կրկին կհայտնվի անազատության մեջ:
Մանրամասները՝ տեսանյութում:
