15.09.2026 | 16:11
Վարդան Ղուկասյանն ասել ա՝ «Ով միութենական պետությանը դեմ ա, թրքահպատակ շան տղա ա»․ Վահագն Ալեքսանյան․ ՏԵՍԱՆՅՈՒԹ
Պեսկովը՝ 2022 թվականին Ուկրաինայում միջուկային զենք կիրառելու՝ ռուսական ծրագրերի մասին
Քաղաքականություն
11.03.2024 | 17:52
ՌԴ նախագահի մամուլի քարտուղար Դմիտրի Պեսկովը հայտարարել է, որ տեղեկությունն այն մասին, որ ռուսական զորքերը ծրագրել են միջուկային զենք կիրառել Ուկրաինայի դեմ 2022 թվականի վերջին, Կրեմլի մեկնաբանությունների կարիքը չունի, գրում է Meduza-ն։
«Այդ հաղորդումները շահարկումների (քննարկումների) կատեգորիայից են, որոնք հրապարակվում են տարբեր թերթերում։ Չեմ կարծում, որ դա մեկնաբանությունների կարիք ունի»,- ասել է Պեսկովը՝ պատասխանելով տեղեկությունը մեկնաբանելու՝ լրագրողների խնդրանքին։
Վերջին օրերին ամերիկյան ԶԼՄ-ներում մի շարք հրապարակումներ են հայտնվել այն մասին, որ ՌԴ իշխանությունները 2022 թվականի վերջին քննարկել են Ուկրաինային միջուկային հարված հասցնելու հարցը։ Այդ մասին մանրամասն պատմել է CNN-ի լրագրող Ջիմ Շուտոն՝ վկայակոչելով ԱՄՆ երկու բարձրաստիճան աղբյուրների։
Նշվում է, որ այն բանից հետո, երբ արևմտյան հետախուզական ծառայությունները տվյալներ են ստացել նախապատրաստվող հարվածի մասին, ԱՄՆ-ը կապ է հաստատել դաշնակիցների հետ, զգուշացումներ արել ՌԴ իշխանություններին և փորձել դիմել Չինաստանի ու Հնդկաստանի օգնությանը՝ Ռուսաստանին հարվածից հետ պահելու համար։
