24.06.2026 | 20:37
Քննարկվել են ՎԶԵԲ-ի հետ իրականացվող ծրագրերն ու նոր նախաձեռնությունների հնարավորությունները
ԵՄ դիվանագետները լքում են Հայիթին՝ իրավիճակի սրման պատճառով
Քաղաքականություն
11.03.2024 | 14:01
Հայիթիում իրավիճակի սրման ֆոնին Պորտ-օ-Պրենսում Գերմանիայի դեսպան Պետեր Զաուերը, ինչպես նաև եվրոպացի այլ դիվանագետներ լքում են այս երկիրը, հայտնում է AFP-ն՝ հղում անելով Գերմանիայի ԱԳՆ մամուլի ծառայությանը։
Նշվում է, որ Պորտ-օ-Պրենսում Գերմանիայի դեսպանն ու մշտական ներկայացուցիչը մարտի 10-ին «Հայիթիում անվտանգության խիստ լարված իրավիճակի պատճառով ԵՄ պատվիրակության անդամների հետ միասին մեկնել են Դոմինիկյան Հանրապետություն»: Մինչ հետագա ծանուցումը եվրոպացի դիվանագետները կաշխատեն այնտեղից, հաղորդում է DW-ի ռուսական ծառայությունը։
Ավելի վաղ ԱՄՆ-ը հայտարարել էր Պորտ-օ-Պրենսում իր դեսպանատան որոշ աշխատակիցների հեռացնելու մասին։ Միաժամանակ, ուժեղացվել են դեսպանատան շենքի պաշտպանության միջոցառումները։ Ըստ Պետքարտուղարության՝ Հայիթիում ԱՄՆ դեսպանատունը սահմանափակել է իր գործունեությունը, սակայն առայժմ շարունակում է աշխատել։
Վերջին օրերին Հայիթիում զինված խմբավորումների կողմից մի շարք հարձակումներ են տեղի ունեցել ոստիկանական բաժանմունքների, բանտերի և դատարանների վրա: Լրատվամիջոցների տվյալներով՝ այժմ ավազակախմբերը վերահսկում են Հաիթիի մայրաքաղաքի մեծ մասը, ինչպես նաև տրանսպորտային կապերը երկրի մնացած մասում: Հայիթիի երկու միջազգային օդանավակայանները փակ են բռնության բռնկման պատճառով։
Հաիթիում հարձակումները կառավարական և ենթակառուցվածքային օբյեկտների վրա շարունակվում են մարտի սկզբից։ Երկրում արտակարգ դրություն և պարետային ժամ է մտցվել։ Մարտի 9-ին զինված խմբերը հարձակվել են մայրաքաղաք Պորտ-օ-Պրենսի կառավարական շենքերի, ոստիկանական բաժանմունքների, Ներքին գործերի նախարարության շենքերի և նախագահական պալատի վրա։
