05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ՀՀ կառավարությունը պատրաստվում է ապահովել Ֆրանկոֆոնիայի գագաթնաժողովի անցկացման լավագույն որակ․ Զ․ Մնացականյան․ ՏԵՍԱՆՅՈՒԹ
16.08.2018 | 12:43
ՀՀ կառավարությունը պատրաստվում է ապահովել Ֆրանկոֆոնիայի միջազգային կազմակերպության 17-րդ միջազգային կազմակերպության գագաթնաժողովի անցկացման լավագույն որակ:
Այս մասին կառավարության նիստում հայտարարեց ՀՀ արտաքին գործերի նախարար Զոհրաբ Մնացականյանը:
Ի պատասխան վարչապետի հարցին՝ ԱԳ նախարարը նշեց. «Մենք ամբողջովին վստահ ենք, որ մեր նախապատրաստական աշխատանքներում ապահովում ենք գագաթնաժողովի պատշաճ և որակյալ անցկացումը: Ցանկանում եմ շնորհակալություն հայտնել աշխատանքները համակարգող բոլոր գործընկերներին: Արդեն ունենք զգալի թվով բարձր մակարդակով պատվիրակությունների հաստատումներ: Բովանդակային առումով նույնպես շարժվում ենք առաջ, վստահ ենք, որ ապահովելու ենք արդյունավետ գագաթնաժողով նաև բովանդակային առումով, դրա համար ունենք ամբողջ ռեսուրսը և կարողությունը»:
Վարչապետը ոստիկանապետ Վալերի Օսիպյանից հետաքրքրվեց նաև ոստիկանության պատրաստվածության մակարդակի մասին:
«Այո, ոստիկանությունը պատրաստ է: Ճիշտ է, նախադեպ չունեցող միջոցառում է, սակայն մեր ուժերն ու միջոցները բավարար են, որ ոստիկանությունն օդանավակայանից սկսած այն երթուղիներն ու քաղաքները, որտեղ տեղի են ունենալու միջոցառումներ Ֆրանկոֆոնիայի գագաթնաժողովի շրջանակներում, բարձր մակարդակով ապահովի հասարակական կարգի անվտանգությունը»,- ասաց Վալերի Օսիպյանը:
Մանրամասները՝ տեսանյութում։
