17.03.2026 | 23:25
ԻՀՊԿ-ն հաստատել է «Բասիջ» ուժերի հրամանատար Ղոլամռեզա Սուլեյմանիի մահը
Լյուքսեմբուրգը կմիանա Ուկրաինայի համար զինամթերք գնելու չեխական նախաձեռնությանը
Քաղաքականություն
08.03.2024 | 18:32
Լյուքսեմբուրգի պաշտպանության նախարար Յուրիկո Բակեսը հայտարարել է, որ իր երկիրը կմիանա Ուկրաինայի համար 800 հազար հրետանային արկ գնելու՝ Չեխիայի նախաձեռնությանը, գրում է «Եվրոպեյսկայա պրավդա»-ն։
«Սա մեր ընդհանուր ջանքերի մի մասն է լինելու՝ Ուկրաինային ռուսական ագրեսիայի դեմ պայքարում այդքան անհրաժեշտ կարողություններ տրամադրելու համար», – ասել է նա։
Ավելի վաղ Չեխիայի վարչապետ Պետր Ֆիալան հայտարարել էր, որ չեխական կողմի՝ Ուկրաինայի համար զինամթերք գնելու նախաձեռնությունը հնարավորություն է տվել բավարար միջոցներ հայթայթել հրետանու զինամթերքի առաջին խմբաքանակը գնելու համար։
Մյունխենի անվտանգության կոնֆերանսում Չեխիայի նախագահ Պետր Պավելն ասել է, որ Չեխիան երրորդ երկրների զինանոցներում գտել է ՆԱՏՕ-ի ստանդարտ տրամաչափի մինչև 800 հազար արկ, որոնք մի քանի շաբաթից կարող են ուղարկվել Ուկրաինա, եթե դրա համար ֆինանսավորում գտնեն։
