Մենք չենք լքի մեր դաշնակիցներին․Բայդենը դիմել է Պուտինին ու Թրամփին

ԱՄՆ նախագահ Ջո Բայդենն ընտրություններից առաջ հանդես է եկել ամենամյա ծրագրային ելույթով։ Կոնգրեսում իր ելույթում նա անդրադարձել է ՌԴ  նախագահ Վլադիմիր Պուտինին, նրա սանձազերծած պատերազմին, ինչպես նաև քննադատել է Դոնալդ Թրամփին ՆԱՏՕ-ի և ԱՄՆ-ի դաշնակիցների հասցեին արված հայտարարությունների համար, գրում է BBC-ի ռուսական ծառայությունը։

«Իմ նախորդը, նախկին Հանրապետական նախագահը, Պուտինին ասում է, որ կարող է անել այն, ինչ ուզում է։ Ես կարծում եմ, որ դա վրդովվեցուցիչ է, վտանգավոր է ու անընդունելի»,- հայտարարել է Բայդենը։

Այս տարեվերջին կայանալիք ընտրություններում Դոնալդ Թրամփը համախոհների հետ իր հանդիպումներից մեկում խոսել էր զրույցի մասին, որը, ըստ նրա, տեղի է ունեցել իր նախագահության ժամանակ ՆԱՏՕ-ի անդամ երկրներից մեկի ղեկավարի հետ։ Այս զրույցում Թրամփը հայտարարել է, որ ԱՄՆ-ն ​​չի օգնի այդ երկրին, եթե այն ենթարկվի Ռուսաստանի հարձակմանը, քանի որ այդ երկիրը չի համապատասխանում ՆԱՏՕ-ին ուղղված ռազմական ծախսերի չափորոշիչին՝ ՀՆԱ-ի 2 տոկոսին։

«Մենք պետք է կանգնեցնենք Պուտինին։ Եթե ԱՄՆ-ն լքի Ուկրաինային, Ուկրաինան կհայտնվի վտանգի մեջ, Եվրոպան կհայտնվի վտանգի մեջ, աշխարհը կհայտնվի վտանգի մեջ։ Ես ցանկանում եմ նախագահ Պուտինին մի պարզ բան ասել՝ մենք չենք լքի մեր դաշնակիցներին։ Մենք չենք խոնարհվի։ Ես չեմ խոնարհվի»,-ասել է Բայդենն իր ելույթում։

Ուկրաինային աջակցելու անհրաժեշտության մասին այս խոսքերին ծափահարել են ոչ միայն Դեմոկրատական ​​կուսակցության կոնգրեսականներն ու սենատորները, այլև որոշ հանրապետականներ։

Դոնալդ Թրամփը ելույթին արձագանքել է «Truth Social» սոցիալական ցանցում հետևյալ գրառմամբ. «Նա Պուտինի դեմ չի կանգնել, նա Ուկրաինան տվել է Պուտինին»։

Թրամփը նաև պնդել է, որ Բայդենը ստում է բոլոր հիմնական ծրագրային կետերում, ինչպես նաև մեղադրել է նախագահին, որ նա չի ցանկանում հարավային սահմանի խնդիրը լուծել և երկիրը ուզում է երկիրը ներգաղթյալներով հեղեղել։