07.10.2026 | 13:13
«Շնորհակալ եմ Աստծուն, որ արգենտինացի եմ». Մեսիի հուզիչ խոսքը հրաժեշտի խաղից հետո
Ֆոն դեր Լեյենը պաշտոնապես առաջադրվել է ԵՀ ղեկավարի թեկնածու
Քաղաքականություն
07.03.2024 | 19:50
Աջ կենտրոնամետ Եվրոպական ժողովրդական կուսակցությունը կողմ է քվեարկել Եվրահանձնաժողովի ներկայիս նախագահ Ուրսուլա ֆոն դեր Լեյենին՝ որպես առաջիկա ընտրություններում այդ պաշտոնի իր թեկնածուին: Այս մասին հայտնել է Reuters գործակալությունը։
Նշվում է, որ ԵԺԿ պատվիրակները ձայների 400 կողմ և 89 դեմ հարաբերակցությամբ հաստատել են ֆոն դեր Լեյենի թեկնածությունը, որը հավակնելու է Եվրահանձնաժողովի ղեկավարի երկրորդ հնգամյա ժամկետին։
Ելույթ ունենալով Բուխարեստում կուսակցության համագումարում՝ Ուրսուլա ֆոն դեր Լեյենը որպես ԵՄ երկրների հիմնական մարտահրավերներ անվանել է պատերազմն Ուկրաինայում, անկայունությունը Մերձավոր Արևելքում և Չինաստանի վերելքը։
Ավելի վաղ ԶԼՄ-ները հայտնել էին, որ Ուրսուլա ֆոն դեր Լեյենը հավակնում է ՆԱՏՕ-ի գլխավոր քարտուղարի պաշտոնին։ Բայց նրա թեկնածությունը կարծես թե չէր պաշտպանում Գերմանիայի կանցլեր Օլաֆ Շոլցը։
Փետրվարին լրատվամիջոցները հայտնել էին, որ Ուրսուլա ֆոն դեր Լեյենը որոշել է պայքարել ԵՀ-ի ղեկավարի պաշտոնում երկրորդ ժամկետի համար։
