07.10.2026 | 14:11
Վենսը հայտարարել է, որ պատերազմին վերջ տալու համար Իրանը պետք է կրճատի ուրանի հարստացումը
Նորվեգիայում մեկնարկել են ՆԱՏՕ-ի Nordic Response լայնածավալ զորավարժությունները
Քաղաքականություն
07.03.2024 | 12:27
Նորվեգիայի հյուսիսում մեկնարկել են ՆԱՏՕ-ի լայնածավալ զորավարժությունները, հայտնում է DW-ի ռուսական ծառայությունը: 13 դաշնակից երկրներից մոտ 20,000 զինծառայող է մասնակցում Nordic Response 2024-ին, ներառյալ Ֆինլանդիան և Շվեդիան, որոնք որոշել են միանալ դաշինքին Ուկրաինայի վրա Ռուսաստանի հարձակումից հետո: Զորավարժությունները ներառում են սպառազինության համակարգերի լայն տեսականի, ներառյալ 100 ինքնաթիռ և ռազմածովային ուժեր՝ ֆրեգատներով և սուզանավերով:
Զորավարժությունների առաջին օրը զինվորները պետք է «հակահարձակում» իրականացնեն Նորվեգիայի Ալթա քաղաքի տարածքից (Ռուսաստանի հետ սահմանից մոտ 500 կմ հեռավորության վրա)՝ դրանից հարավ գտնվող տարածքներն ազատագրելու համար, որոնք, ըստ մանևրի սցենարի, արդեն «օկուպացված են թշնամու կողմից»։
Nordic Response – 2024-ի ակտիվ փուլի սկզբում Գերմանիայի պաշտպանության նախարար Բորիս Պիստորիուսը ժամանել է Ալթա։ Նախօրեին նա այցելել էր Ռուսաստանի հետ սահմանին գտնվող Նորվեգիայի ռազմաբազա և առաջարկել էր ընդլայնել Բունդեսվերի ներկայությունը Հեռավոր Հյուսիսում, չնայած այն հանգամանքին, որ այժմ հիմնական ուշադրությունը կենտրոնացած է Ուկրաինայի և Մերձավոր Արևելքի վրա։ Մոտ 1500 գերմանացի զինծառայող է մասնակցում Nordic Response 2024 զորավարժություններին։
